الغباء الادارى وردّ الفعل الذى يدفع ثمنه من لاحيلة لهم ولا قوة عن راضى عمار رئيس حى ثان الزقازيق أتحدث

الغباء الادارى الذى أسسه ممدوح طه ورضا عبدالسلام منهج راضى عمار فى حى ثان

.

بلا قانون وبطريقة بلطجية لاتليق بجهاز حكومى قام راضى عمار اليوم باعادة نفس اسلوب ممدوح طه السابق فى مهاجمة أصحاب الخلاطات الغلابة فى أماكن عملهم والتحفظ أو كل سرقة الحلاطات لأن هذا هو المعنى الحقيقى لما يحدث ولو عرف العمال الغلابة حقوقهم لقدموه للمحاكمة بتهمة الاستيلاء على الخلاطات بالقوة لكن ( احنا فى مصر ) اللى مش قانونى بيكون وقت اللزوم قانونى ومحدش بيحاسب حد وطبعا ده ردّ فعل للمصيبة التى حدثت فى منيا القمح وعلى الفور ترك راضى الجرى على القهاوى ولم الكراسى وانتقل للخلاطات يستولى عليها ليصورها ويضعها على صفحة حى ثانى ليؤكد إنه مش من دول اللى بيهملوا ونحن نسأله ونسأل المحافظ الجديد اللى غرق فى شبر مية والدنيا اتكربست على دماغه مرة واحدة رغم انه يجنى مافعله الفاشلين قبله ( عبدالعزيز وعبدالسلام ) نسأل المحافظ:
سعادتك ماهو ذنب العامل اللى جاب خلاطة يأكل عليها عيش هو وعشر أسر على الأقل ولو كان الذى يقوم بالبناء مخالف سبتوه ليه ومش بتحاسبوه ليه ويعرف منين العامل المطحون اللى بيشتغل يوم ويبطل عشرة ايه اللى مصرح بيه وايه مش مصرح بيه ولا انت وعصابة المحليات مبتقدروش غير على البردعة والغلبان ؟
ماتعمل يابيه محضر وتخرب بيت اللى بيبنى وتهد له اللى بناه مخالف ولا حتى تقدمه للمحاكمة لكن ذنب الغلابة ايه وراضى لسه مفهمش ان الغلابة مش ناقصين حد ييجى عليهم ولا مفهمش اللى حصل لممدوح طه ورضا افندى شو ؟
ولأن دائما من يدفع الثمن ليس المتهم ندعو راضى عمار للذهاب الى امام مدرسة طلبة عويضة وهو يعرف انه ميقدرش يوقف البناء هناك واتحداه