ده نسميه ايه ؟ تهريج ولا تسيب ولا اصبح كل مسئول بيشتغل مع المخالفين ضد الدولة
اللواء محافظ الشرقية رمضان كريم ياأخّ
. |
| هاهو العقار المخالف يرتفع بالمخالفة ويصل للخامس فى حماية الفاسدين |
.
تعبنا من الفساد ؟ آه تعبنا , هنسيب الفساد طايح فى البلد ؟ مش هيحصل ولآخر نفس هنحاربه
وماحدث فى العقر المخالف بشارع رمضان بقسم الزقازيق البحرى اللى نبهنا الف مرة لأنه يتم البناء فيه وبتوع الرخص مظبطين محمد نجيب صاحب العقار وميسرين له العمل
عقار مخالف بدون ترخيص في شارع رمضان قسم الزقازيق البحري بأسم/ محمد نجيب وقد ذهب الموظف الجديد المختص بالازالة والى يبدو إنه مش هيعمر فى مكانه لأنه بالصدفة مش مرتشى وبيراعى ربنا فى عمله واللى زى ده أيامه فى مستنقع الفساد قليلة واتصل ( حسام عمر ) بالنجده لتحميه لوقف عملية البناء وعندا أراد تنفيذ عمله وسحب الخلاطة ووقف العمل فعلا بعد مششادات مع الأهالى وماهى الا لحظات تحركت خلالها الاتصالات بين هذا وذاك وفجأة انسحبت سيارة النجده من الموقع وتركت الموظف يواجه مصيره بنفسه وتركت المعدات فى مكانها بدون سحب ولما سأل الموظف الضابط المسئول قال له : جاءنى اتصال من العميد مأمور قسم تانى أبلغنى فيه ان أأخذ معى صاحب العقار لأخذ تعهد عليه بعدم البناء ( جديدة دى صح ومفيش فى القانون حاجه كده لكن هذا ماحدث والسؤال ليه ؟ والاجابة معروفه ) لأن القانون بسلامته وقد عجز واجلسوه على جهاز تنفس صناعى تمهيدا لدفنه بعد وفاته اكلينيكيا يقول غير هذا وانما ينص على سحب الألآت المستعمله فى البناء المخالف المهم أن الضابط مشى والمعدات فضللت مكانها وطبعا الموظف المختص مش بايده حاجه وعادت المعدات للعمل وأخرجي لسانها للدولة وهيبتها وللقانون ورجاله
ننتظر فورا تحقيقا عاجلا فى الواقعة وليتحرك فى إتجاه ردّ الثقة للمواطن فى القانون وهو بلاغ للسيد اللواء مدير الأمن للتحقيق فى مخالفة إجراء مثل هذا وهل هو متعمد أم لا
.
ملحوظة العقار يصل للدور الخامس بنجاح ضد القانون ( ياعنيى عليك ياسيسى مش عارف يستورد لنا ضماير ولا يعمل ايه فى مستنقع الفساد والزبالة والقبح ( الادارة المحلية سابقا )
ليست هناك تعليقات:
إرسال تعليق