* كده رضا ووداعا لمشكلة أطفال الشوارع للأبد واللىى بيته اتهد أو جاله ضيوف بيت المحافظ مفتوح مش الفيللا المدارس لولولولولى
خلاص تاهت ولقيناها والمحافظ بيه خلها وانا بحى حضرته على الفكرة الجهنمية العبقرية بصراحة اللى مفكرش فيها محافظ غره لاهنا ولا امريكا ليثبت انه الرجل المناسب فى المكان المناسب فقد جاء رده على فتح مدارس الدولة بالزقازيق لرواد الولى التقى الورع صاحب الكرامات والمعجزات الى ابهرت العالم فهو أول من رغوة ايديهاذا صب المريد عليه الماء بدون صابون وهلل لها وكبّر كبار القوم ومتصدقوش اصلا أن بيحط الصابون السائل على ايديه قبل الأكل وهو الذى منحنا الفوز بالجنة ان تبعناه ودخلنا تحت عبائته وهو اللى واللى يامبسوطين فى الساحة تملى ياصعبجية اه يالالالى اقول جاء ردّه على اتهامه اعنى المحافظ المريد أن ضيوف الشيخ ابوخليل ضيوفنا وفتحنا المدراس لضيوفه علشان التكدس ولأن الناس مش لقيوا مكان يناموا فيه فهم فى جهاد بالضبط زى اللى بيشقوا قناة السويس الجديدة وواجبنا ترويجا لسياحة الخزعبلات والخرافات بعد أن ثبت أنها مربحة جدا والابراج والفيلل والاراضى اللى عندنا مولانا العارف اللى بيجيب من الآخر واللى مبتخلفش لو راحت له بتخلف رغم انه لم يبدأ بنفسه وأكد المحافظ الدكتور رضا عبدالسلام عبقرى الاقتصاد الرجل العملى الفذ الذى جاء لينقذ المحافظة من السبهللة الادارية والفساد أنه ( اضطر لفتح المدارس لاستيعاب تدفق الوافدين فى حواره مع مجدى الجلاد واكد المحافظ أن هذا كان يتم لسنوات قبل مجيئه ورغم اننا لم نعرف ذلك قبلا الا ان الحكمة تقول إننا مش هنعرف أكثر من الحكومة والمحافظ ومش هنقول ان المحافظ قام بتأجيرها زى مالناس بررت تبرع الحيلة المريد السياسى خالد زردق بمائة ألف جنيه للمحافظة يوم العيد الصبح يعنى عيد على المحافظة وده طبعا وزير التسهيل فى حكومة مولانا الشيخ صالح لأنى أريد بصراحة أن يفرح شعب الشرقية والغلابة بهذا الفكر العبققرى لأن المحافظ وضع ايديه على الجرح وجاب لنا حل لأزمات كتير بتقابلنا وشوفوا الفوائد اللى هنستفيد بيها من وراء هذا الحل ومحدش يبص للنص الفاضى فى الكوباية أولا لو جالك ضيوف وحبيت تاخدهم وتغير جو روح للمحافظ يفتح لك المدرسة اى مدرسة ويمكنك اختيار المدرسة اللى تعجبك وتكون فاتحه بحرى وفيها اشجار ماعليك الا انك تروح بيهم للمحافظ وهوه هيجيب لك المفتاح واذا رفض اعمل له بلاغ فى القسم واطلب المعاملة بالمثل ووطبعا ضويف المحافظة وشعبها ليهم حق زى ضيوف ابوخليل فالعيال اللى نايمين فى الشارع تحت الكبارى من أطفال الشوارع أحق بمدارس بلدهم وأطالب أى محامى شريف باستصدار حكم يخلى اطفال الشوارع يناموا بالمدارس وتحت رعاية متطوعين مش بقول لكم محافظ عبقرى وضيف على كده اللى اتهد بيته ومش لاقى سكن ياخد له فصل خصوصا ان رجل الطلبة على المدارس اصبحت خفيفة وأنا أدعو من جهتى كل جامعات مصر لترشيح الدكتور رضا لجائزة نوبل فى حل الأزمات وترشيحه لدخول موسوعة جينس ولو اتملت يدخل موسوعة ابن عمها جنز افندى ابن خالة عمر افندى
ايها الأخوة المواطنون أنا عارف إننا مفرهدين من الحرّ ومش قادرين نتنفس من الرطوبة العالية بس سايق عليكوا الشيخ ترتر تسمعونا زغروته للمحافظ العبقرى
ملحوظة : متجيبوش سيرة لحد علشان الدولة حبت علينا إن المدارس وقف من ضمن أوقاف ابوخليل والمستشفيات كمان وبيقولوا مبنى المحافظة ومجلس المدينة والرجل سايبها لنا مجدعة اكفوا ع الخبر ماجور احنا داخلين على افتتاح قناة السويس الجديدة ومش عاوزين الضيوف ياخدوا خبر فميجبوش استثمارات
ربنا يخليك لينا ياحلّو يامزبطنا
ليست هناك تعليقات:
إرسال تعليق