22‏/09‏/2015

شبح شرقية يواصل حربه ضد الفلول والسلفيين ولصوص المال العام فى انتخابات البرلمان

ياترى هنختار مجلس النواب صح قبل مانشحت على الابواب
الشارع الاجتماعى يقلم أظافر أباطرة الفساد وأس فساد الحياة السياسية ومن يلبسون عباءة الدين لسرقة مجلس النواب
اللى بيحب مصر والسيسى يختار مجلس يساعده مش يجره للوراء
.
ماهو مش بعد ثورتين والقضاء على أكبر نظامين فاسدين فى تاريح مصر الحديث والقديم هياكلنا مقلب حرامية أولاد الهرمة بتوع نظام مبارك ولا ولاد اللحية ولا ولاد ستين فى سبعين ويلهفوا مننا المجلس اللى حفينا عشان نوصله ودفعنا من دم اولادنا وقتنا وقوت عيالنا ومن ثروات بلدنا كتير علشان نوصل لليوم ده ومش معقول كل لما نييجى نوصل له نخشّ ونلبس فى الحيطة لأن شياطين الانس والجن والحبرتية ونشالين المستقبل وبتوع البيزنس اللى عاوزين يحموا مصالحهم ويبعدوا اى مجلس يحاسبهم ويجيبوا مجلس يصب للشعب الشاى بالياسمين ويخلص على اللى باقى منه وينهبه أو بتوع اللحى ومناجيس الاسلام السياسى اللى فضلوا يتمسحوا فى الدين لما الناس صدقتهم واللى أول ماجت لهم الفرصة سنّوا سكاكينهم وجاهزين يركبوا على رقابنا زى ماعملوها كلاب الارهاب وهم معهم فى مجلس نجلاء اللى كانوا بيأدنوا فيه العصر ويتمسكوا بيقفشوا على الداءرى بالليل اما رجال عزّ اللى فرحانين أوى دلوئتى إن عزّ رجع وهيرجع عصر فساده اللى ماوردش على مصر واللى بيدعمهم علشان يلاقى بيهم سكة ينتقم من الشعب اللى ثار عليه وعلشان المصالح بتجيب الكلاب زاحفة فقد لبوا وكونوا لوبيا ظهر فى أو مؤامرة حدثت فى الانتخابات الجديدة عندما وصلوا بطريق الشيطان يعرف أكثر الى اصحاب القوائم والمنافسه وادوهم حقهم ناشف فلم يتقدموا للانتخابات ونجحت قائمة شرق الدلتا بتاع احمد عز اللى اصبح له فى المجلس اللى جاى من قبل الانتخابات سبع اعضاء بتوع فى حب مصر اللى عاملة زى فى صحتك كده وكسب أحمد عز جولة بالتحايل فهل يفطن الشعب
صحيح أن عدد المرشحين كتير أوى والناس اللى عندها حصالة اصوات ثابتة زى السلفيين اللى ليهم فى كل شارع واحد أو اتنين على الاقل وطبعا معاهم أكيد هيكون فيه اخوانى مش معروف وصحيح ان تفتيت الاصوات هيكون فى صالحهم لأنه هيوصلهم للاعادة وان شاء لو حصل هياخدوا بالجزمة من الشعب اللى جت له أرفه من وشوشهم الكلحة لكن اللى يعنينا هو نوصل مين للاعادة ونتكاتف حوالين مين علشان بتوع عز وبتوع اللحية وبتوع ساويرس اللى بيتصرف مليون على كل واحد فيهم مايخطفوش مصر ووقتها هيكتفوا الرئيس اللى الشعب بيحبه ووقتها هيكون الشعب هوه اللى سلم السيسى لعصابات المافيا السيسى لأنهم عاوزين يشاركوه فى الحكم ووقتها هتبقى سياسة سيب وانا اسيب سياسة المجلس والرئيس ووقتها هتشوفوا اللى عمركم ماشفتوه ووقتها اللى ييجى يقول كيلو الطماطم بعشرين جنيه يبقى يبص فى المراية ويتف على سحنته وغباؤه اللى سلم مصر لأولاد الهرمة
طيب ننتخب مين ؟
هوه ده السؤال والاجابة عليه عاوزه ناس بتفكر صح يعنى كل واحد يسأل نفسه لو امامى مرشح من بتوع الفلول واحمد ومرشح من بتوع الدقن العيرة وواحد من بتوع ساويرس وعشرين واحد مالهمش لازمة وكام واحد نص لبه وكام واحد محترم بس مش فاهم فلازم نفكر ازاى الاول نستبعد دول وبعدين نجتمع او الغالبية فى كل دائرة على اتنين محترمين او نص لبه ويقفوا وراهم علشان الانياب السعرانه متوصلش حتى لو مكنش عارف حاجه لأن اللى معنوش فكرة احسن من العقر اللى له مصلحة واهو على الاقل هيقعد لحد الدورة ماتخلص مش فاهم حاجة وعلى الاقل مفيش حد بيسوقه
ولو مصر تهم حد لابد نفكر فيها على انها بنتنا وامنا واختنا ونختار ليها رجالة محترمة أو مش حرامية وولاد ناس لكن انك تسأل على عريس بنتك أو اختك وتتحرى ومصر تسيبها تتسرق وتجامل بيها مرشح علشان قريبك أو بلدياتك أو صاحبك ووقتها هنعرف اننا كبرنا أوى وبقينا أد الدنيا بالفعل مش باكلام
مساؤكم فل وأمل ووطنية



في ليست هناك تعليقات:

12‏/09‏/2015

لماذا فقدنا الطموح واحلامنا توقفت عند ( على أد لحافك مد رجليك ) وقرفصنا حتى اصابنا الشلل الفكرى

.
سؤال صعب تحتاج الاجابة عليه إلى أفق جديد وطموح جديد وتغيير هارد ديسك الطموح النصف جيجا الذى حولنا لمجرد الآت ( تهنج) كلما فرهدنا من اليأس ولفحتنا رعشة الطموح فيسقط الويندوز ونعيد تشغيله من جديد وهكذا حتى أهلكنا أو كاد الأحباط وأصبحنا نحلم فقط بالستر وما تحته فى الوقت الذى شطحت بغيرنا الأحلام فغيروا الاهارد ديسك والويندوز واستمتعوا بامكانيات لاحدود لها من الرقى والتقدم والازدهار والعدالة والحرية 
حتى أحلامنا ( اللى هيه اصلا ببلاش ) تقلصت واصابتها قناعة غير منطقية فتجد المصرى اذا حلم بثروة تسقط عليه من السماء يتمنى عشرة الآف جنيه أو عشرين ومن يزيد طموحه يطلب مليون جنيه رغم أنه لو طلب مليار محدش هيحاسبه لأنه مجرد حلم وإذا حلم يحلم بشقة اوضتين وصالة رغم انه لو طلب قصر بجنينه وسيارات وطائرة خاصة ( مش هيخسر حاجه ) لأنه مجرد حلم وهو مايفسّر حالة العجز التى تواجهها مصر فى قياداتها فالمحافظ والوزير ورئيس الوزراء يسعى فقط لاضافة واحد أو اتنين فى المائة على من سبقه ( ويتمطع بعدها ويقول لك انجزت ) لأن هذا أخر طموحاته وآخر قدرته وطموحه وامكانياته الفكرية 
ولك أن تسأل رئيس وزراء مصر ( كثير الهرولة كثير الاخلاص قليل الانتاج ) مالذى يمنعك ان تعلن فى سيناء سبع محافظات جديدة بدلا من هذا التكدس فى المدن وفتح آفاق جديدة لشباب بدات تضمر قوته وصار البانجو والمخدرات أقرب إليه المستقبل ويسلم الارض مجانا للشباب لأنه من الخطايا ان تبيع لشاب طلبت منه أن يتعلم فتعلم وأجلسته على خازوق البطالة أن يدفع ثمنا فى أرض هو مالكها فلو أن كل شاب حصل على فدانين او ثلاثة وقام بزراعتهم خفف وطأة الزخام والبطالة واضاف الى رصيد الوطن من الزراعات المختلفة بدلا من ان يملك فرد واحد مئات الألاف من الأفدنة وهى فى الوقت ذاته حكاية أمن قومى خصوصا وأننا نعانى عجزا فى القمح وسيناء لو زرعت ستقضى على هذه المشكلة لكن رئيس الوزراء مشغول بماسورة مياه ضربت وتوك توك بيمشى عكس الاتجاه
وأقل من رئيس الوزراء فى الطموح محافظيه الذين ( داحوا مننا واغشى عليهم ) عندما حصلوا على حلم مستحيل من جهة المنطق أن يكونوا فى يوم ما على كرسى المسئولية فجلسوا بلا طموح تسيّرهم حيتان الاجهزة التنفيذية التى احتكرت الفساد وظن وظن محلب أنه سيكون بينهم ( دكر ) فربطوه فى سلسلة لكى لايصل أبد مما يريدون له أن يصل فلو عقل محلب ومحافظيه انه من المستحيلات أن يرى المحافظ الا بعيون مساعديه ولايقرأ إلا دفاترهم وبالتالى فلن يرى الن يقرأ إلاّ مايريدونه هم ومحافظ الشرقية لدينا مثلا فالرجل ظن أن المحافظ دوره ان يكون ( لفافا طوّافا جرّايا ) فيمسك بتوك توك شارد أو سائق مخالف أو بائع مش لاقى مكان يقف فيه فوقف يلقط رزقه وهاتك يامخالفات والناس الهبل يزغرتوا والاعلام الأهبل يقول ) فظن الرجل أنه أنجز فنام ووضع فى بطنه بطيخه صيفى لأن بطانة السوء قالت له كده تمام ( انت فلّه ياريس ) فلم يفكر فى حل أزمة التوك توك قبل منعه لأن وراءه على الاقل فى الشرقية 150 الف فم مفتوح (عاوزين مم ) ولم يفكر وهو يزيل بائعة متجولة أو بائع ( على بابا الله ) أن يوفر لها بديلا لأنه تناسى ان هؤلاء مواطنون لهم فى هذه الدولة حقوق لكن سعادته يريد التقارير ليرضة رئيسه مع ان العاقل من يرضى ربّه ومشكلة القمامة التى يحمل معداته ورجالة ويزيلها ويصورها وتعود فى الصباح كما كانت لم يدرك ان الزبالة واقع لامفرّ منه وهى دائمة وبدلا من أن يفكر فى استثمارها لأنها كنز لو فهموا ومصدر دخل قومى لو أدركوا وتدرّ دخلا وتوفر سماذا وصناعات زجاجية وورقية لكنه لم يفعل
حتى الناس الغلابة الذين يصفقون وهم لايعلمون لماذا يصفقون مثلهم مثل مجلس شعب مبارك وأرزقية اعلام الصراصير ورجال البيزنس يسيطرون عليه بالاعجاب فوجد ظهيرا جاهلا أو مغرضا أو ماجورا يصفق له ففقد الحلم والقدرة على الابتكار فى محافظة كلها ثروات وحرف ومهارات وصقور وخيول وما خفى لكنه يرى ويصرّ أن يرى بعيون الفاسدين
فمتى تدركنا لفحة الاحلام الكبيرة ولا ( نرضى بقليله ) طالما لدينا فرصة لنحصل على الكثير ؟
في ليست هناك تعليقات:

26‏/08‏/2015

تأكيدا لما نشرناه منقبل وكذبه مرزوق الألفى مضطرا يجيب على أسئلة الشارع

أخيرا وائل الألفى وبعد عام التجاوزات يعترف أن البلد فيها قانون حتى ولو لم ينففذ

.

حمدى مرزوق يمارس كل أنواع البلطجة الادارية على نادى الشرقية ولايتحرك أحج

.

الفساد الادارى بغد ثورتين ينشب أنيابه فى كبد المستقبل والدولة عاجزة عن التصدى له

.
ثورتانودستور وقوانين وطموحات وأحلام وأمل فى استرداد القانون لهيبته والنتيجة الى كانت صفر تحوّلت إلى مليون تحت الصفر وغابت الدولة بأجهزتها التنفيذية وربما الرقابية عن المشهد واكتفى السيد المسئول بمشاهدة المشهد واحفاؤه والتستر عليه أحيانا وظلّت بعض قيادات الدولة وبيروثراطيتها تسهل لمن يتولى مسئولية أقل فرصا ليسوى جرائمة ى حق المجتمع بل وتتركه يجمّل وجهه اعلاميا ولا تقول له عينك حمرا
ونادى الشرقية ليس إلاّ مستندا خطيرا ومحبطا فى ملف الفساد الكبير الذى يخرح لنا لسانه ويضربنا كل صباح ( قفا ) تحت بصر الجهات الرقابية والتنفيذية عندما وقفوا يشاهدون حمدى مرزوق ومعه المشتاقون الذين جاءت بهم التربيطات ليشاركونه فى إدارة نادى بحجم نادى الشرقية بلا تاريخ وظيفى أو إدارى أو أى قيمة تذكر ليدمروا النادى وامكانياته بحجة التطوير بزيادة العضويات وقيمتها المادية وحويل مساحات النادى الخضراء وحدائقة الى كتل اسمنتيه والوزاة تعلم عن طريق وائلها الألفى ولا يتحرك أحد سوى بكلمة على كل محضر يتخذ فيه المجلس المراهق قرارا سىء السمعة وهى عبارة ( نرجو تصحيح المخالفة ) بعد أن وقعت والمجلس يمسح بهذا الرد الحكومة خذاءه ويستمر فى ما اتحذ من قرارات وكأن شىء لم يكن وهنا أسأل هل دور الدولة فقط الرفض والشجب دون أن تردع ؟
وطوال الشهور الماضية صرحنا كثيرا ونبهنا الى كارثية مايحدث ووائل الألفى صامتا حتى تفجّر موضوع بازوكا وفلوس بيعه التى أتلفها الهوى عندما حوّلته الوزارة عن طريق شئونها القانونية للنيابة مرورا بالشئون القانونية للمحافظة وضد رغبة المحافظ كما بيّنا من قبل
أقول أخيرا ردّ الألفى بعد خراب مالطا ليؤكد ردّا على مذكرة وطيل النادى العميد هشام الضوّى بمستند يؤكد فيه أنه شكل لجنة ثلاثية برئاسته للرد على مذكرة طالبه فيها الضوّى بتوضيح الموقف القانونى للمخالفات التى تقدم بها للمديرية خلا أكثر من عام لمواجهة حملة التشويه والتضليل التى يمارسها مرزوق وسدنته ضد النادى وهى ردود من ناحية الشكل تؤكد وجود المخالفة أما من ناحية المضمون فلا تقدم ولا تؤخر لأنها افتقدت رغم وجودها من يحاسب المخطىء
لكنها فقط قد تبين للجمعية العمومية المضلله أن ناديهم تحوّل إلى عزبة وخولى العزبة يفقد النادى كل يوم قيمة ومعنى والنتيجة انفاق 25 مليون جنيه تقريبا دون أن يحصل عضو الجمعية العمومية على ترابيزة أو كرسى
.  على أى حال لم تفعل مذكرة اللفى إلاّ أنها أكدت للناس وشعب الشرقية أننا كنا نحارب فى قضيتهم العادلة بيقين وثقة وإن حاولت كتيبة الطبالين والمنتفعين تحاول تشويه الصورة الحقيقية بتزوير الحقيقة حتى أن مرزوق روّج اعلاميا لفكرة أننا منظومة الفساد وهو يحاربها ولو كان يعى مايقول لأيقين أن الفساد لايحارب فساد وليؤكد أيضا أن العميد هشام الضوّى باصراره وعناده تصدى منفردا وهذا حقه الذى قدمه لناديه ولجمعيته العمومية ولولاه لتاهت معالم القضية
فماذا قالت أوراق اللجنة التى رأسها الألفى ؟
أكدت أن المديرية قد ( أنذرت مجلس الادارة بالكتاب رقم 20 -8 -2015 موصى عليه بعلم الوصول لمخالفة المجلس لنصوص المواد 68 من اللائحة 929 لسنة 2013 بشأن اجتماعات مجلس الادارة وعدم التزام المجلس بما تم الاتفاق عليه بالمحضر رقم 60 مع معالى المحافظ لعدم دعوة مندوب الجهة الادارية لحضور الاجتماعات الدورية ) وأضاف التقرير الذى قام به الألفى واللجنة التى شكلها للرد على مذكرة الضوّى ب ( مخالفة المجلس لنصّ المادة 34124 من اللائحة 929 لسنة 2013 الخاصة بالعضويات الجديدة والاعانات والتبرعات الأنشائية - وتذكرون أن رئيس الناى المهزلة  علق يافطات يشكر فيها الجهات المسئولة على رفع العضوية ل 10 الأف جنيه وعندما قلنا ان هذا غير قانونى وكذب قال السفهاء واقسموا انه حصل على الموافقة -
وقال تقرير الألفى أن هناك أيضا ( مخالفة لنص المادة 45 فقرة 3 من القانون 77 لسنة 1998والمعدل بالقانون 51 لسنة لسنة 1978بشأن عدم تنفيذ تعليمات الجهة الادارية المختصة )
و( محالفة النادىللقانون 89 لسنة 1989 ولائحته التنفيذية بشأن الطرح لانشاء المحلات على مدخل النادى دون وجود اعتماد مالى
وأيضا طرح المحلات للايجار بموجب الاعلان بالجريدة بالمخالفة ( دكاكيينى يعنى ) بالمخالفة لكتاب الجهة الادارية المركزية
وأيضا ( مخالفة النادى بشان الاجراءات التى تم اتخاذها لتأجير الأرض الفضاء من الناحية الخلفية للنادى جلسة 13 - 11 - 2014 بالمخالفة لكراسة الشروط التى اجرى عليها المزاد ( حتى كراسة الشروط التى وضغها مرزوق خالفها ) فى بندى ( البناء والمساحة )
وطبقا للقانون تم اخطار النادى لازالة اسباب المخالفات والرد بمزكره مؤيده بالمستندات (طبعا محصلشى فمرزوق لايحترم القانون )
وأخيرا وليس بآخر كما جاء برد الألفى ( مخالفة المجلس لنص المادة 75 من اللائحة 929 لسنة 2013 بشان ايقاف العضوية خاصتكم ( العميد هشام الضوّى يعنى ) وتم الرّد على النادى بالكتاب رقم 584 فى 2 - 8 - 2015 ببطلان قرار المجلس فى هذا الشان فى 24 - 8 - 2015 وتفضلوا 
في ليست هناك تعليقات:

25‏/08‏/2015

WEBNODE :: الدائرة الاولى اشكالية : حرب بين القدامى بالاعيبهم والجدد بثقتهم الزائدة فى الوعى والتلامذة ودول بيتعلموا :: صوت الشراقوة

في ليست هناك تعليقات:

WEBNODE :: دولة الفساد تؤكد سيطرتها على صناعة القرار بالشرقية :: صوت الشراقوة

في ليست هناك تعليقات:
الاشتراك في: التعليقات (Atom)

الأحدث

هل تكون الثالثة رصاصة الرحمة لترمب؟

.  "عزل ترمب".. القصة الكاملة من 2019 وحتى حراك 2026 . القاهرة : جماهير الأمة  . يظل دونالد ترمب الشخصية الأكثر إثارة ...