شد شدة حرب ، شمر واستعد وقول يارب
هو مكتوبك يادوبك تنتهى من حرب تدخل تانى حرب
.
افهم الملعوب كويس
كل حيلة شيطانية
وراها ريس
واحنا ايوه نبان غلابة وصيدنا سهل
بس وقت الجد مهل على الدبابه وويل وكرب
ايوه مابنمشيش لحرب بس لو كتب علينا مراسنا صعب
...
أوعى تنسى كنا فين وبقينا فين
لما جابوا الدجالين
واستخبوا فى دين برىء من الدجالين
اللى خانوا مصر لما
جم بدعم الامريكان
لجل يتقاسموا الوطن
ويا الصهاينة بإس مشعل والكتائب
أوعى تطلع مصرى خايب
واستعد بعزم وادخل فى الرباط
احنا مش بتوع عياط
وأوعى مهما ظروفنا تقسى
تنسى إنا فى حرب لسه
انت فاهم ولا لسه ؟
غزة مش هى الهدف
وhماس وقسامها اللى كانوا فى المخطط
لما داسوا أرضنا وغدروا بجيشنا
لما عانوا علينا واتكاتلوا عشان الخطة تكمل
انت فاكر ولا أكمل ؟
...
فاهم الملعوب يابيه ؟
هل عرفت ابن اللذين بيسعى ليه ؟
ليه ماهموش إن كل الدنيا ضده طول ماأمريكا وراه
لا المحاكم همته ولا رفض كل الناس مدابحه فى شعب غزة ردته
فاهم ياأخ ؟
إن غزة للصهاينة وسيلة مش غاية
وإن مصر
هى مضمون الحكاية ؟
وإننا فعلا فى حرب ؟
وإن بعض الحرب كرب
وإن بعض الحرب غصب
وإن بعض الحرب ضرب وقسمة ومسائل حساب
وإن بعض الحرب مكره فى الجراب
وإن بعض الحرب صبر
وإن بعض الصبر جبر
شد حيلك واستعد وقول يارب
مهما كان الوضع صعب
هو امتى عشنا الا الظرف صعب
اسأل التاريخ يقول لك ننتهى من حرب ثم ندخل تانى حرب
بس فضلت مصر قبر لأى ملعون ابن ك... ل... ب
واسأل التاريخ يقولك إننا سيستم مالوش كتالوج
واللى يدرسنا بيخرج زى مابيدخل غبى
فصلى بينا ع النبى
واعقلها وتوكل
وشد شدة حرب
ماهى مصر م الأول
عايشه فى حالة حرب
قدرها تفضل هدف
للجن شرق وغرب
ليست هناك تعليقات:
إرسال تعليق