الشرقية لو كانت محافظة كانت صعبت على حد

معالى اللواء الباشا النائب البيه سامى سيدخم ( حلو كده ) نسألك ولن تجيب 
.معالى محافظ الشرقية إن كنت لاتعلم وهو مانعتقده فالمصيبة أعظم
.الأجهزة الرقابية المعنية : المية تكذب الغطاس ودفتى أحوال المحليات شاهد اثبات وما تخفيه الأدراج أعظم.السيد رئيس الجمهورية : حاولنا مساعدتك فى كشف الفساد فأخرج لنا الفساد لسانه وتوحش.السيد رئيس الوزراء : الشرقية عزبة خاصة .السادة نواب الشرقية وأحزابها : البقية فى حياتكم .يبدو أن تشخيص الرئيس السيسى للإدارة المحلية جاء على هوى مسئوليها وأعتبروها رسالة لهم بأنهم فرعون الأرض ومحدش يقدر عليهم فتوحشوا وظنوا أن قول الرئيس بانه يعلم انها فاسدة عجز من الدولة وأجهزتها الرقابية . اللى عنده تفسير ثانى ياريت يقولوا ومنه نستفيد.معالى اللواء سامى بيه اعترافا لك بفدرتك وأنك تستطيع ولا يستطيع غيرك فمن مثلك يارجل استطاع أن يقلب الترابيزة وينحى أهداف الدولة جانبا وأعان علينا من أرادونا بسوء ؟ قل لى كيف يارجل استطعت دون ان يناقشك احد ولا حتى القانون فيما تفعل فى اختياراتك للقيادات التى تتحكم فى أمور الناس بالمجالس والمراكز والمدن وقد فعلت كما يفعل خولى الجنينة مع أنفاره فى عزبة الوالى وفزت بالضربة القاضية الفنية على الكل فاخترت قيادات ماكانت لتصلح لقيادة كشك سجائر لولا انك جئت بهاويبدو انك اخذت على عاتقك اعادة اكتشاف مواهب الفاشلين أو اصبح الفشل المؤهل اللازم لهذه المرحلة الخطرة التى يمر بها الوطن ولاتعرف ان مصر فى حالة حرب أو ربما عزّ عليك ان تقوم من عثرتها عقابا للثورة التى كنت فاعلا ضدها فرأينا على يديك كيف توقع على تعيين رؤساء وقيادات كل مؤهلاتهم انهم طيعون كما فعلت مع :نبيل فاروق رئيس مجلس ومدينة الزقازيق الذى كافاته على فشله فى القرين المدينة الصغيرة وجئت به اكراما لعيون النائب الفزّ المخيف المسيطر وطز فى مؤهلاته نسيت ابارك لك على عيد ميلادك والتورتات اللى اتكلفت خمسة الآف جنيه ومعرفش ازاى معرفتش ان الحكومة بتطالب بالتقشف لكن عذرك انها هدايا وأسالك ايضا عن عارف عبدالمجيد الذى تمت محاكمته وهو بالمناسبه نسيب احد الهاربين من جماعة الارهابية وأين ذهبت حزاءاته والحكم الذى صدر ضده فى اهدار 57000 الف جنيه على الدولة واين عقابه الذى حكم به عليه برد المبلغ فى فروق اسعار الاسفلت والشخرين الجزاء وكيف اختفوا وكيف حصل على امتياز وجلس على مقعد رئيس مجلس ومدينة كفر صقر وموضوع الكاوتش ابو 76000 جنيه لماذ تم تخزينه ولم يتم التحقيق فيه ومن اين ومن منحه بيان الحالة يامواطن ؟ .سيبك من عارف وتعالى لأبوحجازى
.وهو الذى قمت بتكليفه نائبا فى مركز ومدينة ابوكبير غم انه تمت احالته للتحقيق فى موضوع الاستيلاء على مرتبات الموظفين ولا دى اتسوت واتسوت ازاى؟والنبى ماتزعل احنا بنسأل جنابك بس معاش اللى يزعلك احنا بس عاوزين نعرف ازاى اللى بيحال لمحاكم تأديبية ممكن يرجع نضيف ابيض مزهزه وزى الفل .وياترى حسن عبدالحميد رئيس صان الحجر اللى كان مسئئول فى قضية الخمس فدادين اللى استولت عليهم عصابة جنب الوحدة المحلية بصان الحجر ومش هقلولك على اللى حصل فى الاستراحه انت عارفه ونقلته للديوان العام وطبعا اللواء برجلوفيصل وعوض فاهمين برضو بس مينفعش نقول ده مش موضوعنا طالما كفيتوا على الخبر ماجور واحنا معاكم طيب انت كنت اخترته على اساس ايه ؟ .وحكاية ابراهيم الدهشان والصفعة اللى اتصفعها الغلبان رئيس القسم الهندسى اللى تجرأ وعمل محضر مخالفه لقريب الدهشان محققتش فيها ليه خصوصا ان التراخيص طلعت والمبنى طلع زى ماهو عاوز ده قريبه برضه زى قريبك اللى فاقوس ماهو الاقربون اولى يعنى هيعملوها للغرب والقرايب لا ؟ طيب الدهشان تنطبق عليه الشروط ؟ سؤال برىء اهه وهجاوبك عليه وطبعا لسه قيادات كتير هنسألك عليهم بس والنبى ماتزعل نفسك اصلا محدش يقدر يعملك حاجه انا متأكد معلش موضع تخصيص الجامعة اترفض فى الوزارة حاول تانى