تشويه انجازات القوات المسلحة تحت كوبرى الصدر .. وحافظ الشرقية نايم فى العسل وترك إدارة المحافظة للفاسدين ويتعدى على موازنة الدولة لصالح كفره

تشويه انجازات القوات المسلحة تحت كوبرى الصدر

شعب الشرقية : والله تستاهل كل اللى يجرى لك نام ننه نام

.

تقولش احنا محافظة عشش ولا يكونش احنا محافظة خنات ( جمع خن ) ولا ايه النيلة اللى احنا فيها دى المحافظ الهمام من يوم ماجه وكتفوه فى المكتب ووروه حلاوة التكييف فى الصيف ووروه سكة الحفلات اللى بياخدوه ليها ستات المحن الاعلامى اللى فجأة لقيناهم اعلاميات فاصبحت امال اعلانات ودلع اعلامية بتاخد افندين تتصور بيه فى الحفلات وطبعا تعمل على حسه شغل اعلانات هى البريمو فيه بشهادة السنين وفجاة لقينا العجب وشفنا اللى ماشافوش حد لما حبوا بتوع مجلس المدينة يرضوا البلطجية ويعملوا بيزنس الاكشاك راحو تحت الكوبرى ( الكوبرى الجديد ) وقفلوا الطريق التقاطعى وبنوه محلات طبعا بيتباع بملاليم واصحابه بيأجروه بالآلاف ماهى تكية ام المحليات وتم تشويه المنظر اسفل الكوبرى

استغلال المحافظ فى عمل اعلانات وتطويعه وأخذه لحفلات

والآن انتقلت الغباوة لتشويه أسفل كوبرى الصدر هذا الكوبرى الذى شيدته القوات المسلحة الفاعل الوحيد الحقيقى فى مصر ( لاوزراء ولا محافظين ولا اى مسئول يفعل شيئا وإذا عفل يشوه ماتم انجازه كما يحدث الآن فى محافظ العجايب اللى بصراحه كده ملهاش صاحب وملهاش اهل يدافعوا عنها وسايبينها متاع خاص للمسئولين وبدات أسفل الكوبرى عمليات التشويه وطبعا ملناش فى المحافظ لنه مش موجود ( عنده حفلات رجال الاعمال اللى خربوا البلد وسرقوها واللى عاوزين ورا كل عزومة طلب وطبعا الاعلاميات الحيزبونات اللى سيطروا على المحافظة واتحدى ان تعرف واحده منهن كتابة اسمها اربع مرات فهن بصمجية ودخلوا المهنة من باب ( حبة دلع على ايه على ايه على تراللى .. اللهم انى صايم ) ولن نشكو للرئيس فاللى فيه مكفيه ولن نشكو فى هذا الشهر الكريم الا لله فهو وحده القادر على ردّ كيدهم الى نحرهم واما أهل المحافظة ونوابها وسياسيوها واحزابها فغطوا عليهم وصوتوا واجهزوا علشان يسحبوكم زى التلنكات لصناديق انتخابات المحليات ونامو ننه ياشعب يستاهل كل اللى بيجرى له

الحقنا ياريس تعبنا وكده كتير والله فى حق شعب الشرقية .. احنا شعب مش هفيه ياريس

.

ومن انجازات المحافظ ايضا رصف الكفر اللى اتولد فيه على حساب صاحب المحل

.

ومن انجازات خالد الذكر لواءنا خالد بن سعيد أنه ضرب الموازنة العامة للدول بالشولت ولاهمه خطة ولا دياوله وكان لازم قبل مايمشى انه يرصف طريق الكفر بتاعه واللى تكلف 5 مليون جنيه بين فاقوس والحسينية ولأنى آخر حاجه اعرفها ان عندنا فيه رقابة ادارية وإن التحقيق فى هذه المهزلة سيتم وفقا للقانون الا اذا كان هناك استثناء من احترام هيبة الدولة لمن يشرفون على تنفيذ القانون فالمحافظ لم تدرج قريته او كفره فى الخطة ولا فى الموازنة فكيف يتخطى المحافظ صلاحياته ؟

سيادة الرئيس حاكمونا أو حاكموهم تعبنا