السيسى يقول ويتمنى ويعطى الاشارات والتكليفات والمحافظات تكايا للمحافظين عن الشرقية اتحدث

غابت الدولة فحكمها لطفى وأمير وديع وساعدا فى الاستيلاء على الاملاك العامة والخاصة

.

يكفى ان يكون معاك لطفى وأمير لتستولى على ماشئت من أملاك الدولة أو الوقف الخاص حتى لو كنت لاتمتلك عقود فمجرد عقد صورة عليه صحة توقيع مضروبة وان تستعين ببعض البلطجية وان يغمض حى ثان الزقازيق عينه عنك حتى ترمى اساسات المنزل فى الارض المستولى عليها حتى يتحول الأمر لأمر واقع
هذا حدث فعليا فى قطعة الارض الموجودة بجوار كولح بميدان كوبرى السجن وقام البرج على أرض أملاك وقف ورغم وجود عقود مع اصحابها لكن ماقيمة العقود فى دولة الفساد التى يتبناها حى ثان الذى قام بنقل خمسة رؤساء أحياء ولم يجروء على نقل لطفى وامير وديع ليبقى السؤال الملح
هتقدر تزيل الابراج اللى اتبنت على ارض زراعية فى الغشام وشيبة والقنايات والشوبك والأحرار ؟
لماذا رغم كل هذه المخالفات لم يجروء أحد على الاقتراب منهما ؟
من يرعاهما ومن يحميهما ولماذا ؟
وهل هناك علاقة بين الصناديلى واستيلاء أحمد صيام بلدياته على قطعة الارض ؟
.

هوه الرئيس السيسى بيكلم مين ياسياة محافظ الشرقية ؟

.
الرئيس السيسى النهارده طالب بضرورة استرداد املاك الدولة وازالة المخالفات على الارض الزراعية خلال شهر ياترى حضرتك عارف ان الخطاب ده موجه ليك زى ماهو موجه لكل المحافظين ؟
وياترى هنلاقيك من الصباح بتنفذ اللى طلبه وهتقدر على سامى سيدهم وهتزيل كل الابراج التى اقيمت على الارض الزراعية والتعديات اللى حصلت على املاك الدولة واللى سبق ونشرناها لسيادتك خصوصا فى ارض الصاغة اللى استولى عليها لكوظ والياصابات بعقود موزة والارض اللى فى مدخل كفر الحصر والارض اللى فى القرين ولارض الوقف اللى استولى عليها على الاصيل بالمنتزه واحمد صيام بلديات الصناديلى بجوار مقلة كولح والارض اللى بنى عليها ابوشامة برج فى منطقة كوبرى العبور وباقى ارض منطقة العبور وهتقدر ترد هيبة الدولة على طرح النهر ؟
هتقدر تسترد ارض استولى عليها بسام امام النادى الزراعى والتعديات اللى مارسها كل من قاموا بالتعدى على ارض طرح النهر خصوصا النقابات ؟
هتقدر تسترد املاك الدولة والوقاف الخاصة والعامة وارض السكة الحديد ؟
انا عن نفسى عندى يقين إن سيادتك مش هتعمل أى حاجه ولا هتقدر وبيننا الايام حتى لو اقالوك فلن تفعل وانت تعرف السبب
.