أكلوا مرزوق لحم وغرقوه وفى النهاية حملوه فشلهم عن الخمسة الزلنطحية بمجلس ادارة نادى الشرقية اتحدث

شلة الزلنطحية قلبت على حمدى مرزوق واتهموه بخراب النادى وياعينى طلعوا ابرياء .. صحيح اللى اختشوا ماتوا

.

محدش طبعا خالت عليه لعبة الخمسة بتوع مجلس التلنكات بنادى الشرقية واللى فجأة بالأمس وعلى غير العادة افتكروا فجأة إن حمدى مرزوق دمّر النادى وإنه تسبب فى إهدار اموال النادى وهو السبب فى كل القرارات الخطا التى تم اتخاذها خلال اكثر من ثلاث سنوات وكان حمدى مرزوق بصمهم على القرارات وكانهم مش كانوا ليل ونهار نازلين تطبيل فى النادى وكانوا وقتها بيسموها انجازات وياما قلنا لهم انتم غلط ورايحين فى داهية اتقمصوا وزعلوا ووقتها قلنا هييجى الوقت اللى تفهموا فيه أننا اردنا الصالح الاعام لكنهم كابروا وتنطعوا والنهاردة جايين يحملوا حمدى مرزوق المسئولية لوحده فاتهموه بانه السبب وحده فى بناء المحلات الموجودة خلف النادى ( فكرة أشرف الحجار بتاع الطورشى اللى فجأة عمل فيها مهندس ) رغم ان الخمسة ( شلة المهيصة ) كانوا وقتها يتحدثون عن ضربة المعلم اللى طلعت ضربة حلّت وسط النادى
واتهموا مرزوق بانه من عين المحاسيب واللى بيطنطنوا له فى حديقة النادى وجيه الطحاوى ونبيل سمير وشلّة المحامين اللى وصلوا لستة محامين شغالين فى النادى وكأن النادى بيتمسك كل يوم فى شقة مفروشة ورغم انهم لم يسكبوا قضية واحدة منذ تم تعينهم وافتكر الخمس ( عبدالناصر عوض ويسرى سلام واحمد عبدالمنعم ومحمد صلاح ولطفى غيث أن هذا اهدار للمال العام ( حد يزغرت لهم )
وتذكر الخمسة فجأة ان حمدى مرزوق ( ضحية مخه اللى صدق انهم ممكن يصفوا له وانما استغلوه فقط للموافقة على الفسح فى افريقيا وكلك لتعيين اقاربهم ومحاسيبهم لكنهم قبل ان تغرق المركب ارادوا ان يضحوا به قبل الانتخابات وبعدما جاءت الميزانية فضيحة والتى وصلت العجز فيها الى اربعة ملايين جنيه وقد ثار عليه الخمسة ليصل صوتهم الى الجمعية العمومية وحتى يحملوه المسئولية كاملة طبعا من أجل الانتخابات التى اقتربت ولنهم كما أكدنا منذ مايقرب من شهرين انهم بداوا يربطون مع رئيس جديد للنادى رغم انهم يتحملون الجزء الأكبر فى فشله
وللأمانة والتاريخ نؤكد ان مرزوق لم يكن الا أداه وفرح اوى بمنصب الرئيس ولبسوه السلطانية وفضلوا ينفخوا فيه لما ورم وفى الآخر عاوزين يفسوه ويضحوا بيه وكأنهم اكتشفوا فجأة انهم بيفهموا وانهم قبل كده كان بيسقسهم حاجه صفرا ويوقعوا فى محاضر الجلسات وكانهم شم كانوا معاه وهوه بيبيع بازوكا ومكانوش معاه والفلوس بتنقص فى خزينة النادى ووقتها دافعوا عن حكمة مرزوق وعبقريته
كان مرزوق حلو ومعسل وهوه بيوافق لعبدالناصر عوض على تعيين ابن عمه مدربا لكن دلوئتى اصبح كخه
كان مرزوق حلو ومعسل وهو بيسفرهم افريقيا يجيبوا كاكاو ويتفسحوا مع فريق الهوكى لكن اصبح كخه
كان مرزوق حلو ومعسل وهوه بيطيعهم زى الأعمى علشان يضمن اصواتهم لكن دلوئتى معدش منه منفعه واكتشفوا انه مش مقنع وانه فاشل وانه السبب فى كل بلاوى النادى وانه لازم يمشى لكن هما مش هيمشوا
وعشان اللى اختشوا ماتوا وإن المصالح الشخصية هى الهدف وإن الضحية نادى الشرقية وجمعيته العمومية مدش فاجئنا موقفهم بل وتوقعناه منذ شهور عندما قلنا انهم بداوا رحلة البحث عن تلنك جديد يقودونه خلال الدورة القادمة
.

يسرى سلام بلطجى بنادى الشرقية

قبل الجمعية العمومية بأيام اللى هينتقد المجلس هيتوقف ويتشطب ويتهان 

.
لا اعرف ماذا ينتظر اعضاء نادى الشرقية بعدما شاهدوا وشهدوا كيف يتعامل يسرى سلام عضو المجلس مع اعضاء الجمعية العمومية وعلى مرأى ومسمع من الاعضاء وفى حضور الاعضاء الدائمين بالنادى الكابتن سليمان ابراهيم وسمير ابولبدة السياسى المعروف والكابتن خالد القماش وغيرهم قام يسرى سلام باصطحاب رجال أمن النادى أكثر من 8 افراد وقام باهانة عضو الجمعية العمومية أحمد نحلة وسبه وشتمه هو والصبى المعجزة محمد صلاح وطردوه بره النادى واتخذوا قرارا فوريا بايقافه دون حتى تحقيق معه لمجرد أن أحمد نحله حدث بسلامته يسرى سلام الذى لايعرف انه مجرد عضو فى النادى وان شغل منصب عضو مجلس ادارة وأن النادى ليس تكية العائلة ومهمته خدمة الاعضاء وليس اهانتهم وكل مافعله احمد نحله انه قام بدور انسانى على الاقل من وجهة نظره تجاه عاملين فى البوفيه ( حسن ووجيه ) وتركهم يأكلون عيش فى النادى وعندما قال له أحمد نحله ان النادى اصبح خرابة وقد دمرتم النادى ولأنهم يعلمون ان نحله وعائلته لهم ثقل فى الجمعية العمومية اتخذوا قرارا سريعا بمنعه من دخول النادى لمدة اسبوعين حتى تنتهى الجمعية العمومية
وقد قام عضو النادى احمد نحلة بتحرير محضر بالواقعه
وهكذا حان دور الجمعية العمومية برجالها وقياداتها ان تضع حد لمحاسبة هذا المجلس العيالى الذى لايعلم من فنون الادارة الا التخبط وليتهم ينظروا فى الحساب الختامى للنادى لهذا العام ليروا كم المهازل التى حدثت فى عهد هذا المجلس