هل شاهدتم بحر مويس هل ازيلت التعديات على طرح النهر هل نفذ قرار وزير الرى ؟
على الورق تمت الازالة صفقوا للفاسدين رضا عبدالسلام وممدوح طه وراضى عمار وبتاع الاسكان وسامى سيدهم وسمعونا زغروتة حلوة
..
حد يقولى يعمل ايه السيسى ويعمل ايه الوزير المختص والحكومة اذا كان المحافظ ورؤساء الأحياء بيستفوله الأورق ويبعتوله تمام ياافندم تم التنفيذ وكام صورة على كام تصر يح وتعدى الليلة والفساد زى ماهو والحكومة فاكرة ان وراها رجالة وطنيين مخلصين بيحبوا مصر وبيواصلوا الليل بالنهار علشان يساعدوا مصر تقف على رجليها وهم بينخروا فى عضمها زى السوس وطبعا وراهم فساد التقارير اللى بيهندسوا عصابة تدوير المحافظة من سكرتير عام لمساعد لمحافظ لمدير مكتب لشئون قانونية وتلاقى القانون قاعد يبكى دم جنب اى حيطة وفى كل موقع فساد
طبعا فاكرين قرار وزير الرى بازالة المخالفات الموجودة على طرح النهر واسترداد متنفس لشعب الشرقية يشوفوا من خلاله ماء البحر اللى مش محصل ترعة بعدما اعتدى عليه كل من هبّ ودب اشى محلات واشى كافيهات واشى قاعات واشى اوراق مضروبة فى مجالس قذرة اسمها مجالس المدن وشوية زبالة فاتحين جيوبهم لأى مال حرام وقلنا خير لما سى رضا شو اللى ضحك على الغلابة وافتكروه محافظ النجدة لنه جاب طبالين اقنعوا الناس ان ده بتاع الاصلاح وهو اس الفساد عندما قام بازالة موقعين امام الجامعة مرخصين ترخيصا حقيقيا باس ممدوح طه والمجالس المحلية والناس فرحنا وقلنا طرح النهر هيرجع لينا تانى والشرقية اليوم فى عيد وطبعا صور ونشر وتحدث فى الفضائيات عن الفساد اللى بيحاربه والفاسدين اللى عاملين لوبى ضد مع انه كان بس بينفذ موضوع ضد السيد حسان بتكليف من احد منافسيه فى الانتخابات لكن قلنا ماشى المهم ينفذ وميهمناش غير طرح النهر يرجع لنا لكن سعادته وقف وسكت وصهين عن الباقى واهو بسام زى ماهو وجرفيه ونادى نقابة المهن الطبية عند كوبرى العبور وتشكلت لجنة من جوه لجنة ولفوا على المخالفين علشان ينفذوا قرار الوزير ويبعتوا له تقارير لكن اللى حصل انهم راحوا ومعاهم وكيل الاسكان ومسئولين المحافظة وسى راضى عمار بتاع حى تانى اضحوكة الزمن وتناولوا افطارا شهيا فى شهر رمضان الماضى فى نقابة المهن الرياضية وتم غلق الموضوع وطبعا ده حصل مع الباقيين اللى احتلوا البحر لكن المرة كانوا مدعمين بقرار وزير الرى يعنى المعلوم بيعلى وبيعلى أوى وتوتة توتة خلصت الحدوتة لا طرح النهر رجع لنا ولا قرار الوزير تنفذ وطبعا الحكومة راح لها تقارير رضا عبدالسلام فبركت الموضوع واغلق الموضوع والزقازيق على الورق انتهت من ازالة التعديات فهل رأيتم البخر ياشعب الشرقية هل ازيلت التعديات ؟
ليست هناك تعليقات:
إرسال تعليق