♦️اوزن الأمور وافهم الكلام عشان متحربش نفسك وأنت مش دريان
التقارير الصحفية كلها تشير الى انه اسرائيل تقوم بتجميع اهل قطاع غزة فى محافظة رفح الفلسطينية على الحدود المصرية الفلسطينية، جاري تهجير وتفريغ شمال ووسط القطاع.. والهدف حشد وحشر 2.5 مليون غزاوي فى رفح الفلسطينية فحسب قبل ما يبدا الضرب فى المليان والهدف هو دفعهم الى الحدود المصرية!
الموضوع خطير والضغوط والعروض مش بتتوقف 24 ساعة على مصر عشان الموضوع "يخلص".. المهم وسط ما انت بتحارب يطلع لك اعضاء "تنظيم خلقنا لنعترض" اللى يقولك عاملين مظاهرات ضد التهجير ليه بعد صلاة العيد واغاني واعلام فلسطينية ليه .. الخ..
يا سيدي رسالة اقليمية ودولية لم تزد عن نصف ساعة وبتجيب نتايج وجابت نتايج قبل كدا
المنطقة داخلة على مصيبة مزدوجة،
👈اسرائيل بتنفذ المخطط الامريكي بضوء اخضر امريكي، 👈وامريكا هتروح تضرب ايران،
ايران بتدفع تمن مسرحياتها مع الغرب وكل حاجة
وتخريبها لدول المنطقة بالنيابة والاشتراك مع اسرائيل بس في النهاية انا بنظر للدولة والشعب مش النظام ..
وجود فوضى فى ايران فى ظل فوضى وملعب اقليمي مفتوح هو مساحة الهلال الخصيب (الشام & العراق) امر غير مفيد للمنطقة بالمرة.
الشرق الاوسط فى حالة حرب اقليمية بالفعل منذ 7 اكتوبر 2023 ..
