تضامنا مع حملة اقالة محافظ الشرقية اللى مشفنهوش ونائبه اللى مبنطيقوش
.
ليه سامى سيدهم ؟
.سامى سيدهم يقبض على القرار التنفيذى واى محافظ يقول اللى يقوله ويجازى زى مايحب ويمسك فساد براحته ويحوّل موظفين للتحقيق ويرضى نفسه ويروح ينام وابوسيدهم يلغيها والجدع يدور على التحقيقات اللى اتحولوا لها موظفين ايام رضا عبدالسلام وكان هارينا بيانات ويقوللى مين فين اتجازى وتصدقوا ان حتى بعد رضا مامشى مضوا باسمه قرارازالة كان واخد فيه قرار تنفيذ والغريب انه عرف وطنش وسامى سيدهم هو الراعى الرسمى لمهرجان البناء على الأرض ازراعية فى منطقة الغشام بمساعدة علاء بتاع وحدة شيبه ولما رضا عبدالسلام راح يوقف احد المواطنين لقى معاه تصرريح بناء من وحدة شيبة المحلية وحول الأمر للتحقيق حرقوا وحدة شيبه وجاب علاء جنبه فى المحافظة
وسامى سيدهم هو الذى اوقف حتى الآن عملية استرداد املاك الدولة وارض الوقف وارض السكة الحديد حتى ظبط اللصوص عقود مضروبة ولكم فى ارض الصاغة وكوبرى العبور والقرين وكفر الحصر وغيرها مثلا ومنذ يومين فقط اصدر رئيس حى ثانى قرارا بالتحفظ على معدات معتدى على ارض زراعية وذهب هو ومعاونيه للتحفظ على المعدات وبتليفون من سامى سيدهم رجع مدلدل ودانه ولغى القرار
ناهيك عن اللعب الفنى فى كل شىء فى المحافظة وآخرها ماتم منذ ايام
170 الف كشاف تم شراؤهم بالأمر المباشروحدوتة المر المباشر دى حدوته فى الشرقية بس واعرف وزراء ايديهم بتترعش لو جت سيرة الأمر المباشر وبيرفضوا يوقعوا عليها لكن الفاجر والقادر بيعملها بسهولة اضربوا 170 الف فى 150 جنيه للكشاف ومحدش يعمل نفسه اهبل ويقوللى بتوع ايه مش ناقصه فكاكه هيه وشوفوا النتيجة كام لن لاكمبيوتر لما جه يحسبهم ضحك ومرضيش يدينى النتيجة
.
بلاش دى خدوا دى كمان وجديدة نوفى
.حد فاكر لما سيدهم باشا سافر فرنسا من كام شهر وافتكرناه هرب ؟ كان فى رحلة استجمام فى فرنسا ومش هقولكم عن جمال فرنسا طبعا قبل التفجيرات ماتبدأ ابن المحظوظة الرحلة دى كانت على حساب شركة ( قطربالر) وليه قطر بالر تسفره اقولكم لأنه برضو بالأمر المباشر اشترى منها هو ولجنته الملاكى بعد طرد اللى ماكنوش بيرضوا يمضوا من المحافظة تمّا وتشريدهم فى المراكز والوحدات المحلية 23 لودر رغم ان الشركة دى مبتعملش صيانه للمعدات اللى بتبيعها الا اذا تم تحويل مبلغ 5000 جنيه تحت الحساب
.
بلاش دى خدوا دى كمان
.
اشترى 100 عامود بالأمر المباشر عشان ترعة المسلمية رغم ان فيه اعمدة ماليه المخازن العمومية وفى المراكز وبعد الشراء الاعمدة قعدت جنب اخواتها مرمية فى كل حتة عامودين ومتركبوش وان شاء الله لما يتسرقوا اويبوظوا هيشترى غيرهم
.
وتقولوا لى نشيل المحافظ هوه احنا عندنا محافظ ياكل مع الديناصور ؟
.والسؤال دلوقتى : احنا بيتعمل فينا كده ليه ؟
يمكن لأن محمد مرسى من حظنا النحس طلع من عندنا ؟
طيب مش يغفر لنا ان من عندنا برضوا الزعيم عرابى ويؤمنوا انا البطن قلابه ؟
طيب مش يشفعنا ان اصوات الشرقية فى انتخابات الرئاسة كانت رقم مهم ومهم جدا ؟
هل سامى سيدهم مسنود أوى كده لدرجة ان محدش بيكلمه ولا بيحاسبه ؟
هل سامى سيدهم كاسر عين البلد فى حاجه واخد الشرقية رهن ؟
هل ..
يايوم مش فايت دا انا كده هفضل اهلل لبكره
صباحكو فل ولو ان ريحته اختلطت بريحة الفساد فبقت ريحته حنضل
.
عموما حملة موفقة وبداية ربنا يخليها مش نهاية وشعب الشرقية يصحصح شوية وميسبش حقه مش يهيج فى الثورات ويعمل عمايله ولما يتسرق ويضيع حقه يصهين
