أخيرا المهيطل ومساعدوه فى النيابة بتهمة مخلّة بالشرف : لصوص يعنى

ردّوا فلوس النادى وسمعونا بودعك وخذوا معكم العار وورثوه لأبنائكم وحمّلوا وشيلوا زكيبة البلاوى والمخالفات التى حوّلتم بها النادى لخرابة ولن تكون قضية بازوكا هى الأخيرة فما زال بجراب المخالفات العديد من القضايا التى تكفى لتمنحكم شارة الكابتن فى التضليل والتخريب وصيّة عصابة الاخوان المجرمين الذين حولوكم لأداة لتدمير النادى تدميرا ناعما لايقل أبدا عن تفجيرهم محطات الكهرباء والسيارات فالأهم عندهم هو العكننة على الناس وأشهد أنكم نجحتم فى العكننة على الناس باستثناء الناس اللى مش ناس الذين رضوا بالدنية على رأى مرسى المخلوع وقبلوا أنيرفعوا الراية البيضاء أمام تجاوزات المهيطل وعصابة على عوض وعسرى لمام الذى باع وسمسر فى لعبة الكرة القدم سبوبة السبوبات والواد الحيلة المدعوم من كتبة الضلال الجديدة بالنادى والتى يتزعمها بتاع مجحود سامى وكيمو هؤلاء الذين هوهووا وراء المجلس الخيبة وشوية المحامين اللى حولوا النادى لمكتب للمحاماة ويتقاضون عشرا الآلآف سنويا علشان مايعملوش حاجه وعموهم ماكسبوا قضية أصلا واضف اليهم هؤلاء المنتفعين الذين وجدهم الرئيس مهيطل وسيلة لتوظيفهم فى حمايته من السب والقذف والغضب فعين كواسيس له ينقلون له أخبار الحديقة بقيادة حمدى الأعرج صندوق النادى الأسود وكذلك اعطاء نفحة لكل من يساعد المجلس فى ضلاله فتحوّل النادى عزبة خاصة فاذا عين على عوض ابن عمّه بالمخالفة فيزل بئه أحمد عبالمنعم بالاصرار على بقاء الصنودق الأسود فيعين المهيطل زوج ممرضته ووجيهوا فتأفف مدير النادى الجغف فيعينوا له ولد وبنت كل الحكاية ولد وبنت وطبعا اللى ليهم ايادى بيضاء على المهيطل اتعينوا فابن كيمو اتعين رد لجميل انه جاب بلطجية يدافعوا عن المهيطل امام ابوصدقى وعسرى سلام أخد سبوبته فى حتة تانية خالص فيجيب حارس مرمى لاعمره لعب كورة ولا حتة فى القنايات وفرضه وعمله عقد وقيبض وقبضه وطبعا فى سمسرة اللاعبين لقى له مغارة مليانه خيرات وجاء قرار النيابة بتحويل اللصوص لمحاكمة عادلة ليضع حدا لهذه العصابة سيئة السمعة وسنواصل تقديمهم للمحاكمة فى مخالفات أخرى ستكون مفاجأة قريبا 

الصندوق الاسود حلقة خاصة عن أحداث سيناء وسرّ اغتيال النائب العام

من وائل الألفى لصبرى : مدير ادارة الشباب بتاعتك واللى مش عاجبه يطق .. دى عشره ياجدع

الظاهر ياجماعة اننا عملنا ثورتين وحملنا أرواحنا على كفوفنا وواجهنا الفساد والبطش علشان فاضيين ومش ورانا حاجه نعملها أو اننا شعب مرهف زيادة عن اللازم فعملنا الشويتين دول من الملل اللى عايشين فيه وإنه لاكانه فيه كوسة ومحسوبية ومهلبية وطريقة قذرة فى سرقة حق ناس علشان ياخدوه ناس ليهم ضهر وكأننا مشبعناش ضرب على بطنا وكاننا مش صحينا فجأة فلقينا ابن عضو مجلس الشعب وابن المستشار  وابن الضابط وابن رئيس المدينة ومدير المديرية ضباط ومستشاريين واولاد البطة السودة اللى هما احنا واخدين بمبه ومتحسرين على حياتنا ومحرومين من كل حقوقنا وبعد مانتخبنا رئيس ولقيناه قرد مبيطنططش الا للجماعة ومبيديش غير جماعته وفضلنا نغة لمدة سنة : الفار طلع بجماعته والفار نزل بجماعته لما ارواحنا كانت هتفارقنا فقرنا وجبنا رئيس دكر ادانا القوة وشجعنا وقلنا هوه ده اهو هوه ده وقلنا هنفتح صفحة جديدة وقلنا الدنيا هتضحك لنا وتغنى لنا : خطّى يمّى خطّى لاتدارى ولا تخطى أنا غيّرت شطى لكن يبدو ان اتكتب علينا يتسرق حقنا ان مكنش من اللى فوق فبيسرقوه اللى تحتهم بشوية اذا ماسرقناش نواب مبارك يسرقنا وكلاء وزراء امه اللى لسه طابقين على نفسنا والغريب كمان ان عندنا عشروميت صندوق وجهة تتلقى الشكاوى علشان تحرقها وتتدفى بيها فى الشتاء وتشتكى ماتشتكيش اللى عاوزينه بيعملوه وقلنا أكثر من مرّة ان وائل الألفى وكيل وزارة الشباب والرياضة اللى منعرفش اصلا جاء لمنصبه ازاى وقصصه فى الصالة المغطاه كانت كفيله بتأكيد أنه لايصلح لقيادة مركز شباب فجابوه وكيل وزارة والرجل بصراحة من يوم ماشفنا وشّه واحنا بنستغرب ازاى كل مخالفاته دى وسايبينه قاعد يتصرف فى المديرية على كيف كيفه واخرها كان فى المسابقات الفشنك اللى بيعملها ومبيعلنش عنها الا بعد انتهاء المدة القانونية للطعن عليها من هؤلاء اللى مالهمش ضهر ومبيعرفوش غير الصح ومؤمنين زي غيرهم كتير بيتصدموا إن امكانياتهم وفكرهم هيجيب لهم حقهم لكن بيكتشفوا ان نأبهم على شونه وان اللى اتغير عندنا كان متغيرش وادى وائل بيه نزل بجماعته ورغم ان عنده قيادات بجد مؤهلين بجد مش عليهم قضايا ولا متهمين فى القضية رقم 243 بتاعة الحبوب ولا النيابه حبستهم 7 ايام على ذمتها لكن الالفه النجيب عاوز يدى درجة مدير ادارة الشباب لصاحبه وحبيبه واللى ابنه صديق ابنه الضابط وابوصبرى اللى كان فى القنايات فاشل بالثلث وبتوقيع الفشل نفسه حاطط فى بطنه بطيخه صيفى ان جاى جاى وهيركب الكرسى ويمدد والناس اصحاب الحق بتوع السى فيهات المحترمه واللى اخدوا دورات وطلبوا العلا بالعلم يضربوا دماغهم فى الحيط والجهات الرقابية الله يسترها عامله من بنها والمحافظ فاضى بس لأخد التوك توك مخالفة والطبالين مغلوشين ولا عزاء للسيسى اللى حظه وقعه فى ناس معندهاش دم زيهم زى الاخوان بالضبط دول بيخربوا ويحرقوا ودول بيزرعوا اليأس فى الشعب وكل مايمشى خطوة يرجعوه خطوة والوزير المبجل مشغول بالحفلات والتصريحات والاهتمام بالقاهرة علشان البروباجندا .. 

نادى مرزوق المهيطل

.

شعر : شبح الشرقية

النادى واتنيل
ومهيطل العيّل
خلى عاليه فى واطيه
ونهاره بيليل
.....
جانا فى ساعة غضب
ورانا عجب العجب
مرزوق بمخ تخين
وكمان قليل الأدب
.......
خاين وطبعه خسيس
وسواسه ميت ابليس
يقولوا له يتأنزح
ويهيج كأنّه التيس
........
ومعاه شوية ناس
من زمرة الانجاس
مجلس مالوش ملّه
يبيع ابوه بمداس
....
بيسهروا يفكروا
ويصبحوا يقررروا
منين وامتى وفين
هيغرفوا يسمسروا
....
م الكورة و المراجيح
بيطلعوا اللحاليح
وهمهم واحد
أزاى يسابقوا الريح
....
والنادى بقى قهوة
وكباره على سهوه
لبسوا الطرح كلهم
وطلّقوا النخوة
....
فلا حد بيقول بم
ولا حتى بيتمتم
والنادى بقى خوازيق
من بعد ماتيتم

رباعيات مصرية يكتبها شبح الشرقية

ارهابى

.

فجّر قنابل وقابل فضلها بخسّه
                          مادمت راضع زبالة ونطفتك نجسه
تقتل وتحرق مفيش فايدة ومصر اهه
                         خطّت لبرّ الأمان وسابت لك الوكسه

مبنتكسرش

.
من امتى والمصرى اتكسر او حتى خاف
                     من أى جحش اتخبل أو اى تور غنداف
المصرى سرّه فى اصالته ومجده بيخلّى
                    حبة حوش موتورين يفتكره ناره خشاف

وطز فى الخرفان

.
مصر الصباح الحلو للى بحبها دفيان
                      مش للى قلبه اتعجن بالظلم والطغيان
مهما عملتوا كلاب هتعيشوا وتموتوا
                              ومصر باقيه وطن للحب والايمان

السيسى


على فكرة حبى إليك دا حب ربانى
                        مش منّ منى عليك ولا حدّ وصانى
وبخاف عليك م الهوا لو مس خدك مسّ
                       وافديك بروحى وحياتى لأجل أوطانى

على هامش انتخابات نقابة الموسيقيين ... أحداث وقراءات ونتائج .. وشاكر يظهر العين الحمراء لمجلسه

أثبتت انتخابات مجلس النقابة الأخيرة غياب الوعى عند شريحة كبيرة من اعضاء الجمعية العمومية خصوصا فى القرى والعزب والنجوع لدرجة انهم خسروا اصواتهم فى التصويت لأنهم لايجيدون القراءة والكتابة خصوا فى الشرقية التى أثبتت أن غالبية عضوياتها مسيرة لامخيرة حيث جاءت نتائج التصويت لتؤكد هذا المعنى فعندما لايحصل هانى شاكر على عشرين صوت من حوالى 450 صوت ولا تحصل عفاف راضى على أصوات وهما من هما وكل الأصوات تذهب لمصطفى كامل وقائمته فقط فهذه كارثة وتؤكد هذه الانتخابات ان هناك طريقة خطأ جعلت أمثال هؤلاء مأجورين لا رأى لهم وهو مايستلزم ان يقوم الفنان هانى شاكر دفاعا عن النقابة ان يعاد اختبار هؤلاء الذين دخلوا النقابة بدون وجه حق وهو ماحدث فى الصعيد أيضا

شاكر يظهر العين الحمراء من أولها

من ناحية أخرىأكد هانى شاكر فى اول لقاء له مع الناجحين لعضوية مجلس الادارة انه لن يسمح بالبدلات لأى عضو ولن يوافق على ان يحصل اعضاء مجلس الادارة على مليم واحد من النقابة ليغلق باب مغارة على بابا الذى ظل مفتوحا على البحرى لسنوات طويلة وهو ماسيضع هؤلاء المنتفعين من شلة الجوع الكافر الذين انفقوا واشتروا اصوات الغلابة خصوصا فى المحافظات فى موقف لايحسدون عليه وهو مايعنى أن شرفاء النقابة عليهم دور كبير لمعاونة الفنان الكبير فى عودة الهيبة للنقابة التى ظلت سيئة السمعة خلال السنوات الأخيرة

السعيد عمر معلم المنصورة

أثبت السعيد عمر نقيب المنصورة وعضو مجلس الادارة المنتخب أنه معلم بكسر الميم حيث جاءت نتيجة الانتخابات لتؤكد أنه يعرف أصول اللعبة فقد قسمت أصوات الدقهلية بين هانى شاكر ومصطفى كامل وهو قد ضرب عصفورين بحجر وربما هو السبب الرئيسى فى نجاح هانى شاكر حيث احتفظ بشعرة معاوية بينه وبين مصطفى فى حالة نجاحه وهانى شاكر وليس كما فعل خالد بيومى الشرقية الذى كرس اصوات محافظته التى يقودها فى حبل كما أكد وصدق لمصطفى كامل فى حربهما للبقاء معا فى النقابة فخسر كل شىء رغم نجاحه وفقد كذلك ثقة اى مرشح فيه فى الانتخابات القادمة

ماتيجوا نفهم ونحسبها ونشوف احنا بنغلط فى حق مين ؟ والغلطان يعتذر لنفسه ... ليه كل لما ربنا يكرمنا بفرصة ناخد بايد مصر نسلمها تسليم مفتاح للصوص والفاشلين منا ؟

ليه احنا بنتعب نفسنا لدرجة اننا ممكن نشدّ فى شعرنا علشان نوصل للناس الخطر اللى احنا شايفينه خطر ؟

ليه مش عارفين نوصل لدرجة النقاش والحوار المتمدن مع الآخرين الذين لايمكلون الا لغة السب والقذف دفاعا عن رؤيتهم أو دفاعا عن أخطاء قيادات فيحولون هذه القيادات إلى فراعين لأن المسئول يتحوّل رويد لقناعة أنه فلتة زمانه رغم أن أخطائه أكثر ألف مرة من حسناته ؟
ليه نحن نصر على أن نقول للناس إن لو المحافظ رصف طريق فده لأنه جاى علشان كده والدولة مخصصه له ميزانية يعنى هوه بينفذ حسب الفلوس اللى المخصة لأى مشروع ولما نقول له الله لأنه رصف طريق فأكيد لازم نقول الله لعمال النظافة وبائعة الجرجير فهم ايضا يقومون بغملهم فإذا قلنا إن المحافظ يخطىء كل يوم لأنه لم يردع اصحاب الابراج المخالفة والادارات الهندسية التى تقف وتسهم فى هذه التجاوزات لنه تحرر محضر للمينى المخالف وتضعه فى الدرج حتى ينتهى من اقامة البرج وعندها نبل المحضر وتشرب ميته المحافظة لأنها اصلا مش قادرة ولاهتقدر تهد الآف الابراج المخالفة فنلاقى الزلنحية اللى جابونا ورا واللى كانوا بيطلعوا النخل والشجر والعواميد لما حسنى مبارك يمر بمحافظة ويغنوا له ولما اتخلع عرفوا انهم ساهموا فى جبروته وبرضه حالفين على المصحف ميفهموش ؟
ليه لما بنحارب علشان نحشد الناس المحترمة ضد تجاوزات رئيس نادى الشرقية المراهق الادارى واللى ودى النادى فى داهية وخربه ودمره رياضيا واجتماعيا وأنه اصبح لشلة المنتفعين فقط عزبة خاصة ( هوهو ) علينا بطانة السوء والمنتفعين والمأجورين مقابل بقاءهم فى وظائفهم أو عملهم كمدربين ومستشارين وبمجرد ان يختلفوا معه يطلعوا علينا بفضائح المجلس التى صمتوا عنها وهم سمن على عسل ولما احتلفوا سب وقذف أم المجلس وطلع فيه القطط الفطسه ؟

ليه لما نقول اللى كل الناس عارفاه ان الادارة المحلية أس الفساد يطلع علينا شوية ناس مش فاهمين غير حاجه واحدة انهم يظهروا للقيادات انهم بيخافوا عليهم خصوصا من المرشحين لمجلس النواب لأن ليهم مصالح مع رؤساء المدن أو شوية صراصير لم يجدوا وسيلة لأكل العيش الا الاعلام ويريدون تصريح كشك او مخبز من المحافظ ورؤساء مراكز المدن فيطبلون لانجازاتهم ؟

وليه لما نقول ان المرشحين لمجلس النواب القادم مينفعش يكونوا هؤلاء المطروحين وغالبيتهم العظمى علاقتهم بالسياة بالضبط زى علاقة أديب الأمه طه حسين رحمه الله بحراسة مرمى منتخب مصر يطلع علينا قرايبه وعماته وخالاته والعيال اللى بيقبضوا وهاتك ياسب وشتيمة ولا اختشوا ولا راعوا ربنا وهم يقذفون الناس بالباطل

وياترى فيه حد بيراعى ربنا فى كل كلمة بيقولها وهو يدافع عن الباطل ممكن يتعرف بينه وبين نفسه وبينه وبين ربنا يعترف إنه مش أكثر من دلدول أو متنطع أو مهلل أو مأجور أو متساهل فى حق دينه ووطنه وناسه واولاده ويبطل نطاعه ؟

عدم احترام العقود والتعدى على اللوائح والبلطجة الادارية منهج مرزوق فى إدارة نادى الشرقية

.

لم يحترم عقدا وتجاوز فى كل شىء واعتدى حتى على اللوائح وضرب بعرض الحائط النظام العام لمؤسسات الدولة ومارس بصبيانة عمله كرئيس لنادى الشرقية حتى الميزانية العامة للنادى فبركها وعمل على الا تكتمل الجمعية العمومية حتى لاينكشف أمره وتحاسبه على جرائمه فى حق النادى وجمعيته العمومية التى لازلنا نصر انها سلبية وأن هناك شرزمة من أدعياء المصلحة العامة بتوع الطاولة اكراما لمرزوق الذى يترك لهم النادى مفتوحا حتى الصباح بعد مغادرة الجمعية العمومية ليلعبوا الطاولة يقولون ما لايفعلون والذين استحوا ان يحضروا الجمعية العمومية حتى لايواجههم مرزوق ويراهم فيحرمهم من فتح النادى لهم حتى الصباح رغم ان انوار النادى تطفأ ويطالبون الجمعية العمومية بالمغادرة
تعاقدات لاتحرتم وبلطجة ادارية غير قانونية
كما حدث مع مستأجر الكافتيريا مجدى عرفه الذى حصل فى مزاد عام على كافتيريات النادى وهو مايعنى أن النادى لم يعد من حقه أن يقسم النادى تقسيما جديدا ويضاف للحديقة حديقة لعمل كافتيريا جديدة ويقوم بتأجيرها دون مزاد بالمر المباشر لمستأجر حمام السباحة الذى يدفع فقط 2000 جنيه لحمام السباحة شهريا ثم يمنحه مساحة امام مبنى الهوكى ويؤجرها له رغم ان ذلك من حقه لكن الاستاذ مجدى عرفه الذى تم استغلاله كثيرا فى انارة حدائق النادى وماكينة كهرباء لايعنيه الأمر ويؤكد دائما انه رغم ان مجلس الادارة لايحترم عقوده وانه لو رفع قضية لحصل على تعويض إلا انه يقدم خسارته وايجار الكافتيريات لأعضاء الجمعية العمومية ويعتبر كوب شاى يقدمه لكل عضو فى النادى ولكن حمدى مرزوق الرئيس الفاشل يريد ان يوفر مرتبات لمات الموظفين الذين يعينهم لحمايته كنودى جارادات ومجاملات لمحامين وصول فى وقت من الوقات لسبع مستشارين قانونين وكأن النادى يضبط كل يوم فى قضية أداب رغم انهم مجتمعين لم يكسبوا قضية واحدة للنادى وللنادى اموال وصلت الى 2 مليون جنيه عند مستاجرين سابقين لكافتيريات وقاعات النادى لم يحصلوا منها مليما واحد اضافة الى تعيين المحاسيب من اول وجيه مرورا بحسيب لزوج اممرضة التى تعمل فى عيادته وصولا الى من يسرق ثمن ايجار ملعب الكرة والذى ضبط مرتين يسرق والغريب أن عبالله الايرانى شقيق طارق الايرانى مستأجر المحلات الجديدة بربع مليون جنيه فى صفقة مشبوهة لم يعلم بها احد رغم ان لدينا عروضا بنصف مليون جنيه من رجل الاعمال رفعت برهم وغيره لكن مرزوق منحها لطارق الايرانى شقيق عبدالله الايرانى المدينة زوجته للنادى بالآف الجنيهات عندما أجر باسمها كافتيريا النادى وهرب ولم يدف لكن مرزوق لم يهمه فهو لايعنيه الا مصالحه الخاصة وان داس على القانون وكيف لايدوس وهو قد عين مدربا لفريق الكرة هو ابن عم عضو مجلس الادارة عبدالناصر عوض رغم رفض الشباب والرياضة
وعن مخالفاته قل ماتشاء
فقد قام بهدم سور النادى رغم عدم حصوله على موافقة اى جهة من الجهات وهاهو النادى عار تماما فى فصل الصيف رغم انه خصل فقط على اكثر من 320 الف جنيه لبناء السور والبوابة وليس محلات لن تؤجر ولا بجنيه الا انه ارسل للشباب والرياضة والمحافظ صديقه والوحيد الذى وافقه على هذا الهبل الادارى اضافة الى حفلات الوهم التى يقيمها مجاملة لشوية منتفعين يؤيدونه خصوصا حفلات رمضان التى لم يشاهدها احد وانفق عليها الاف الجنيهات

اختاروا لمصر زوجا بنفس الطريقة التى تختارون بها زوجا لبناتكم ... اعنى نواب مجلس النواب القادم فمصر تستحق ولا ايه ؟

* بالعربى كده : مصر تستحق برلمانا قياداته ( صيع سياسة ) والذين فقدوا بكاراتهم السياسىة فى سرير أحمد عز والشاذلى والشوربجى هؤلاء الملعوب فى سيستمهم لايصلحون إلاّ شماشرجية

* قلنا ونقول وسنقول لو رفعت بيومى وعزت بدوى ومحمد الصالحى وهانى درى أباظة ولطفى شحاته وغيرهم اصبحوا نوابا فسيكسرون عين مصر كما كسروها من قبل .
الرئيس السيسى وصل الى فقه المعنى ولب الموضوع وخلاصة القول عندما قال فى حديثه عن الانتخابات وطالب الشعب المصرى وهو يختار برلمان مصر القادم أن يختار النائب بالطريقة التى يختار بها الرجل زوجا لأبنته وهى الحكمة التى تعنى لمن يفهم الكثير فلو كانت ابنتك بنت حسب ونسب وجاه وسلطان كمصر فهى تمتلك كل شىء الميراث التاريخى والحضارى والمادى الضخم والموقع والامكانيات وهو مايعنى انها تملك كل شىء فمن الطبيعى ان نختار رجلا فارسها يعرف قدرها ويستطيع حمايتها بتشريع وقانون ورجال يحرسونها وأمناء يقومون على رعاية مصالحها وإلا إذا لم تفعل ذلك فأنت تترك ابنتك يغرر بها داعر وفاجر وانتهازى ولص ومجرم وارهابى كما حدث من قبل فى ظل حكم الفاجر المهمل الظالم الذى ترك طفلا وامه يلهوان بمستقب ست الدنيا ( مصر) وعندما تركنا فظ غليظ القلب مجرم ارهابى عميل مقل تيار الاخوان الفاسد الذى تركناه يسرقها ويغتصبها ونحن فى فرح تخليصها من الفاسد مبارك ونظامه فكنا وقتها شعبا مراهقا جاءته سكرة النصر فغاب فيها فسرق نصره وهو معنى ماقاله السيسى فى خطابه للشعب : اختار نائبك كما تختار عروسة لأبنتك وهو ماعلى الشعب ان يدركه ويقاتل لتحقيقه ولا يكون متعاطفا او منتميا أو مجاملا إلاّ لمصر ...

نقول تانى ونبسط المعنى ؟ 

نقول تانى :مجلس الشعب اللى جاى يحتاج إلى كتيبة مقاتلين شرسين على الفساد والظلم وإلىمشرع وطنى غيور يستطيع فهم المرحلة وتحدياتها وتحتاج الى فكر مححترم قادر على أن يبدع وهو مايلزم معه أن يكون هناك حياء عند هؤلاء الذين تبجحوا وتنطعوا وبلا أى مقومات أعلنوا ترشحهم على طريقة أحمد عز والشاذلى عندما كانوا يعلنوا عن توريد ديكور ديمقراطى ( شوية غنم يقعدوا ويقبضوا ويفسدوا ويصفقوا ويوافقوا على أى شىء حتى التفريط فى أعراضهم
تحتاج مصر إلى ( صايع سياسى , دقرم ) يستطيع هزيمة الحركة المصرية لنهب مصر من رجال الأعمال الذين لازالوا شوكة فى ظهر الوطن بعد أن نهبوه فى حصانة مجلس الشعب أيام عز والشاذلى وبالتالى فلا نستطيع ان نراهن ونزوج مصر ( تخيلوا سنزوج من لمن ) لخالد زردق مثلا ولا لمجدى عاشور ولا لرفعت بيومى وعزت بدوى ومحمد الصالحى ولطفى شحاته وكل من كان يوما ( تلنكا فى الحزب الوطنى وعرّص على سرقة مصر وقبض التمن ) لسببين أوللهما أنهم أخذوا قالبا من بيت الشعب وهى تباع وتهدم وكانوا شهودا تبجحوا وهم يأخذون بدلات ومكافآت نظير غض الطرف على سرقة مصر من كهنوت رجال الأعمال فحصلوا على بدل تصفيق وبدل تمرير قانون وبدل تجريف وبدل تحصين لص وثانيهما أن عقولهم وفكرهم ليس له أى وجود فكل مايجيدونه ( المسكنة والوعود التى لايملك نائب تحقيقها وقول ما لا يستطيع فعله وتقديم واجب العزاء وحضور الطهور وغيره فهل يمكن ان نزف هؤلاء أزواجا لمصر هل نزوج هؤلاء امنا واختنا وبنتنا وشرفنا وعرضنا مصر ؟ اترك لكم الاجابة فهؤلاء الملعوب فيهم ( أعنى فى تكوينهم ) من احمد عز وجمال مبارك والشاضلى وعبدالفتاح الشوربجى وعزت اسماعيل والذين قبلّوا الايدى والأحذية وأهينوا وفقدوا بكارة كرامتهم هل نستطيع ترقيع بكارتهم ومنحهم رجولة وخصوبة وكرامة بالتطعيم مثلا وهم الذين تحولوا إلى مخنصين وأشباه رجال وما بقى منهم لايصلح لشىء فلا فكر ولا شرف ولا تاريخ فهل تزوجوهم مصر 
والجاهلون نقول لهم كما أراد الله أن نخاطبهم : سلاما
أما الفئة الثانية من المرشحين من هؤلاء الذين ينتحلون صفة ويتجاوون فى حق انفسهم وفى حق مصر عندما يطلبون وهم الحفاة العراة الجاهلون مصر زوجا حتى لو كان هذا الطلب شكحا وطموحا وجهلا منهم بقيمة مصر وخطورة المرحلة ولمجرد أنهم يمتلكون ( فكّة طرشة ) ملايجدوا أمامهم إلاّ مجلس النواب وكل مايعرفونه عن الانتخابات هو شوية ( زيت وسكر وعيدية وخمسيناية هنا وكرتونة هنا ) لشراء جوع الغلابة وتأميم فقرهم والمتاجرة فيه فى أسأ بورصة قذرة اخترعها السفهاء من قوم مبارك وسارعليها تلاميذه وطورها الاحوان الارهابيين والسلفيين الذين أصابهم فيروس إيدز السياسة بعدما قامت الثورة التى قامت على حاكمهم الذى لايجوز الخروج عليه فلما خرجنا عليه قالوا إنّا معكم سياسيون فابتلينا بهم وهم الجاهلون بالعمل السياسى حتى أنهم تخلوا عن الدعوة التى كانت وسيلة للضحك على ( حنبة الناس وحبهم لدينهم ) وركبوا قطار السياسة السريع فهؤلاء يجب ان يكون رد الشعب غليهم كما قال الله تعالى ( وإذا خاطبهم الجاهلون قالوا سلاما ) فمن سيحترم نفسه لو اختار السلفيين الجاهلين أو الأثرياء الجدد ومن يقول أن احترامنا لأشخاص مثل هانى التونسى وحسن الصادق وخالد العراقى وعلاء شاهين وهانى درى مع الاحتفاظ بالألقاب يصلكون أزواجا لمصر وهل لو كانت مصر بنتك تزوجها لهؤلاء المحترمين الذين لايملكون أى تاريخ يؤهلهم للحفاظ على ثروات ابنتك مصر وهؤلاء وغيرهم على سبيل المثال لا الحصر فالحصر يشما كل المرشحين إلاّ ماندر وقلّ فكل المرشحين لا استثنى منهم أحدا
وهكذا نجدنا أمام أكبر التحديات التى ستواجهنا خلال المرحلة القادمة لأن مصر هى الرهان وهى الصباح الذى انتظرناه ليال طويلة وشربنا كل أصناف المرّ حبا فيها وحرصا عليها وثمنا لتحريرها هفل يخون مصر ويخذلها ويبيعها ى سوق النخاسة الانتخابى أبناؤها ورجالها حتى لو كان الفقر سلعتهم التى يجيد شراءها الظالمين من مرشحين السنين السوداء ألا يستطيع الفقير أن يمكر مكرا طالما يريد ان يأكل ويقبض ثمن صوته أن يتقاضاه إن شاء لكن وقت الجد والتصويت يختار لمصر زوجا يليق بها ويعطى صوته لفارس جقيقى ويصفع السفهاء ( قفا جامد ) لتبدا مصر مرحلة البناء على ( نظافة ) 
هل نكسب الرهان ونختار لمصر عريسا يليق بها ؟

عودة الوسيمى تعيد انتخابات نقابة الموسيقين للنقطة صفر,,ارتباك فى قائمة الجوع الكافر الموسيقية وهانى شاكر ينتظر جلسة الوسيمى

.

كما توقعنا من قبل عاد الوسيمى رسميا بعد أن انصفته المحكمة وردت اليه اعتباره فى المؤامرة التى حاكها له بغشم وبحجة واهية وانقلبت الأمور فى المشهد الانتخابى تماما خصوصا وأن جماهيرية الوسيمى ومافعله للنقابة فى الفترة التى قضاها بها قبل مؤامرة الاطاحة به بافتراء شيطانى دبره المفسدون فى النقابة وكما توقعنا ايضا انسحب من قائمة المؤيدين لهانى شاكر ومصطفى كامل واتصلوا على الفور بالوسيمى وهنأوه وتعاهدوا أن يقفوا خلفه ليسترد مقعده وتسترد النقابة هيبتها ويواصل انجازاته ومن حسن الطالع ان الحكم الذى حصل عليه الوسيمى جاء بعد يومين فقط من فوزه بعضوية نقابة المؤلفين والملحنين وقد وصلت انباء الحكم إلى مؤيدى الوسيمى فى بنها وشبين الكوم ودمنهور وكفر الشيخ وطنطا واسكندرية والزقازيق وبدأ الناخبون يراجعون من جديد اتجاهاتهم وكل من يتذكرون الدور الذى قام به الوسيمى فى النقابة خصوصا فى زيادة المعاشات الى 420 جنيه وعمل مشروعات وتقديم خدمة كلها تعطلت بعد مؤامرة المنتفعين الذين اغلق الوسيمى فى وجوههم كل الابواب التى ظلّت منفذا لنهب اموال النقابة وتبديدها ولعل ماحدث مع مصطفى كامل فى الصعيد كان بوادر تغير فى فكر ووعى الموسيقين الذين أدركوا أن مصطفى كامل بتعاليه ورشاويه الانتخابية يمكن ان تفلح مع المتسولين فقط وليس مع فنانيين يحترمون انفسهم كما حدث معه فى الصعيد حيث قاطع الغالبية العظمى من الاعضاء الاجتماع الذى لم يحضره الا من قبضوا من على الشريعى وهم قلة من شلة المنتفعين فأبى اعضاء الصعيد أن يبعهم بعض اعضاء النقابة ويقبضون الاموال على ( حس ّ) أصواتهم وهو ماجعل الشريعى يعود للاختفاء مرة أخرى عقب سماعه نبأ عودة الوسيمى للمنافسة على الانتخابات على مقعد الرئيس وفى الاسكندرية أعلن الغالبية العظمى من فنانيها المحترمين أنهم لن يصوتوا إلاّ للمحترمين وكفى النقابة بلاء وخراب وتبديد لثراواتها التى وصلت لحد فك الودائع وتوزيع اموالها على المحاسيب واتلاف الخدمات وهناك فى الاسكندرية من أعلنوا رغبتهم للقصاص لنجمهم ايمان البحر درويش الذى تعرض هو الآخر لاهانات عصابة الشرّ التى امتلكت النقابة بحيل لاتليق بقطاع الطرق وإن كان معظمهم كذلك فالحقيقة التى لاتقبل الشك ان النقابة فى غفلة من فنانيها المحترمين قام بالسطو عليها مجموعة المنتفعين وقاموا بعمل عضويات وهمية تحولت الى سكين فى رقبة النقابة وصاروا هم من يحدد المجلس وهى كارثة رويدا رويدا ستحول النقابة الى مستنقع بذاءات لو لم يلحق ماتبقى منها الموسيقين والفنانيين الحقيقيين وصار على هانى شاكر بتاريخه الفنى المحترم وبعدما عرض نفسه لاهانات أوقعه فى شرها احمد رمضان وسعد متولى وهما أس كل فساد وسيغرقون الفنان الكبير فى مستنقع  وقد راى بعينه ردّ فعل الناس عليه عندما قال ان اصوات الاسكندرية فى جيبى فأهين وأهين هانى شاكر الذى بدا فعليا يراجع موقفه وربما تنهى الجلسة التى ستجمعه بمنير الوسيمى هذا اللغط ويفوتان الفرصة على شلة المنتفعين والتى تقودهم من الظل المرأة التى تلعب مع الشيطان زوج حيلتها رمضان
ولأن الأمر يستحق وتنقية النقابة من أفسد أعضائها التقينا ببعض الأعضاء الذين لهم حق الانتخاب وبعضهم من المرشحين لمجلس النقابة القادم لنتعرف منهم على رؤيتهم لهذا الحدث الجلل الذى إما أن يسترد هيبة النقابة أو يضيعها للأبد فقالوا :

الوسيمى قدم برهانا على افضليته

هذا ما أكده ( ز . م . مصطفى ) واضاف حسبنا الله ونعم الوكيل فى عصابة النهب والفتنة الذين استولوا على النقابة فى 2011 ودمروا النقابة فى الوقت التى كانت فيه تلعب دورها وتقدم فكرا جديدا منح النقابيين مميزات حرمنا منها الآن مثل وثيقة التأمين على العضو وورتثه ب 35 الف جنيه وكذلك منظومة العلاج والمزايا الاجتماعية والمدرسة والمصايف التى ليس فقط توقفت بل ضاعت على الأعضاء وهاجم مجموعة الموظفين الذين يتحكمون فى النقابة ومواردها وأعضاءها والذين غرروا بالمحترم ايمان البحر وعندما وقف ضد فسادهم حاربوه وهو مايفعلونه مع عملاق الطرب هانى شاكر الذى وجدوه لقمة سائغة ولو نجح سيدمرونه وقد أكد ان الوسيمى عرف سكك ودهاليز هؤلاء وهو وحده القادر على قطع رؤوسهم
اعضاء النقابة الحاليين لايعرفون السلم الموسيقى لكنهم يعرفون فقط سلّم السطوح
هكذا قال ( أ . س . أ ) مرشح لعضوية النقابة وهو عضو الفرقة القومية حيث أكد أن معظم المرشحين للمجلس الحالى لايعرفون شيئا عن السلم الموسيقى وأكد ان هانى شاكر قامة فنية كبيرة لكنه ليس عليما بما حدث ويحدث فى النقابة وأكد انه لايتمنى لهانى شاكر الفشل ولذلك يتمنى أن يترك الترشح ويؤيد هانى شاكر على الأقل هذه الدورة فهو يعز عليه ان يفشل فنان بقيمة هانى شاكر خصوصا وأنه بعيد عن هذا اللبش ولا يعرف وسائل اللصوص فى النقابة والذين يحاربون اى أحد يمنعهم من سرقة ونهب النقابة وخصوصا لجنة العمل ( مغارة على بابا )

الوسيمى ابن بلد ودقرم وفاهم والاقدر على ردّ هيبة النقابة

بهذه الكلمات وصف ( أ . ع . عبدالجواد ) مرشح لعضوية النقابة وأكد ان الوسيمى بدات الحرب ضده عندما شلّ أيدى اللصوص وطرد المنتفعين ووظف أموال النقابة لأعضائها وهو الأقدر والأنسب لهذه المرحلة ويخاف من تفتيت الأصوات بينه وبين هانى شاكر لذلك يتمنى ان يسعى النجمان الوسيمى وشاكر الى الاتفاق على أحدهما مرشحا وإن كان يتمنى أن يكون الوسيمى لأنه يعرف أكثر وفهم اصول اللعبة وعرف اعداء النقابة ولصوصها وهم يحاربون الآن حتى لايصل لمنصب النقيب لأنهم يعرفون أن وصل الوسيمى معناه انتهاء عصى البلطجة بالنقابة

قوة الوسيمى التصويتيه تجعل فرصته أكبر من هانى 

وأكد ( ج . ع . فكرى )ان هانى شاكر نجم كبير ورمز ولا يجب ان نتركه يضيع فى هذا المستنقع الذى لايعرف اسراره وأنه يتمنى ان يتنازل للوسيمى ويدعمه لأن الوسيمى له ايادى بيضاء على النقابة وله قوة تصويتيه كبيرة فى الاقاليم بعدما قدم لهم من خدمات كبيرة لاينسونها وتمنى ان لايكون وجود هانى شاكر فرصة لعصابة الافك لنهم سيستفيدون من تفتيت الاصوات وتمنى ان يلعب الحكماء دورا فى التوفيق بين شاكر والوسيمى

حكم المحكمة اعادنا لنقطة الصفر

هذا ماقاله الطتور محمد سيد واضاف أنه يثق فى ان الكبيرين هانى شاكر والوسيمى سوف يتفقان لتفويت الفرصة على عصابة السوء لن كليهما غنى عن المقعد ولا يسعى لمصلحة شخصية
السنان يؤكد أثق فى شرفاء النقابة فى الاقاليم وفى القاهرة والجيزة
هكذا أكد المرشح الفنان سيد السنان ورأى انه لابد من التكاتف بين الشرفاء ضد من أفسدوا وأهدروا قيمة النقابة وأعضاءها ودعا رموز الفن الحقيقى بالجيزة والقاهرة والأقاليم للحضور بكثافة للدفاع عن مستقبل نقابتهم وراهن على قيمة ودور الفنانيين الحقيقيين ومواجهتهم للمرتشين والجهلة والاعضاء المزيفين فى الاقاليم وأكد على أنه لاحظ تحركا محمودا للمحترمين فى الزقازيق والمنصورة الذين رفضوا ان يكونوا سلعة تباع وتشترى وتمنى من شيخ موسيقين شرق الدلتا سعيد عمر أن يعيد حساباته بعد قرار المحكمة بعودة الوسيمى لأنه يعرف ماقدمه للنقابة

لاينكر انجازات الوسيمى إلاّ جاحد 

هذا ما أكده ( شريف البدوى ) مرشح وقال لقد اعطيناه اصوات المنوفيه كاملة لثقتنا فيه فى الانتخابات الماضية رغم البلطجة وقلة الادب التى حدثت والتزوير الذى اثبتناه بقيادة سعد متولى مع الموقف المخزى لرضا رجب الذى خان ايمان البحر درويش وتحالف مع اعدائه اللصوص ولن يكون له يوما فى احترامنا مكان
لن اعطى صوتى لمن اغتصب موقع النقيب بالبلطجة
هذا هو رأى الفنانة الكبيرة والاكاديمية الاستاذة ( عفاف . ر ) والمرشحة على مقعد العضوية التى قالت بالنص لن اعطى صوتى ابدا لمن اغتصب موقع النقيب دون أى سند ولن يغفر له الموسيقين هذا ابدا ومعه الدكتور رضا رجب الذى انتصر للباطل على الجقوحيت مواقف المحترمين احمد العيسوى ومصطفى حلمى امين والدكتور نجم حنفى وهشام عباس الذى آثر السلامة بعدما وجد نفسه فى مستنقع فساد سيسىء له

هانى قامة لكنى اخاف عليه فما ينتظره أمر لايحتمله

هذا هو رأى رئيسة شعبة بالأوبرا الاكاديمية ( جيهان . م ) قالت إن هانى شاكر قامة فنية كبيرة ورمز فنى له شأنه ولكن بصراحة الوسيمى قدم فعلا مايؤكد أنه الرجل المناسب ويكفى ان كل شىء تم فى النقابة كان وراءه منير الوسيمى ولم يمنحه السفهاء الفرصة ودورنا ان نسترد به ومعه هيبة النقابة ونكرمه بعودته لمكانه المغتصب وسنسانده بقوة ومجموعة الاكاديمين سيدعمونه لتخليص النقابة من نفاياتها وأكدت على ضرورة أن يمثل الجنوب بأكثر من عضو فهذا حقهم

لنا زملاء سنز كيهم والحضور بكثافة ضرورى 

هكذا قال ( ص . م ) عازف ومدرس بالكونسرفتوار ) واضاف أن ماحدث للنقابة خلا السنوات الاربع الأخيرة مهزلة وانتكاسة وتحولت الى مستنقع من البلطجة والفساد وشاركه (ع. م . ع ) مرشخ للعضوية ومسرحى بالأوبرا واضاف انه على الأعضاء تحمل مسءولياتهم تجاه النقابة وإلاّ لايلومون إلاّ أنفسهم فالخدمات متدنية وسمعة النقابة ضاعت بعد الطفرة التى حدثت اثناء ولاية منير الوسيمى

لمرشحى الشرقية عندنا واجب لكننا لن نسمح بفرض قائمة

هذا ما أكده النجم ص. الشريف المطرب الشرقاوى المعروف والذى أكد ان الوسيمى له دور فى النقابة وفى انشاء نقابة الشرقية وسنؤيده بكل قوة أما اصوات البلطجية والجهلة فلن تملى شروطها عليناوحسبنا الله فيمن أدخلهم للنقابة بدون وجه حق ولن نسمح بضياع النقابة مرة أخرى
وشاركه المايسترو (يوسف و( أ . ف ) مطرب من الشرقية الرأى وتمنوا ان يجتمع الوسيمى وشاكر لأختيار احدهما نقيبا حتى لاتفتت الأصوات فيستفيد منها اللصوص
هكذا كان هذا التحقيق الذى أجربناه فور صدور الحكم بعودة الوسيمى للانتخابات ونواصل الرصد من على المسرح الكبير مسرح نقابة المهن الموسيقية فانتظرونا

انتخابات البرلمان القادم بالشرقية كارثة بكل المقاييس والدلائل تقول أن المجلس الاهم فى تاريخ مصر سيكون الأسوأ

نواب مجلس النواب القادم بتوع تشريع ورقابة نقول تانى تشريع ورقابة نقول كمان تشريع ورقابة .. يارب نفهم

يعنى ببساطة النائب القادم مش هيوظفك فى البترول ولا هيجيب لك حتة أرض ولا هيدخل ابنك شرطة ولا نيابة  .. وصلت ؟

نقول تانى : المرشح اللى هيوعدك بشقة أو وظيفه أو يدخلك الكهربا أو يجيب لك ترخيص بناء على أرض زراعية شلت له ولو كنت جرىء شوية اقلع البلغة واديلوا

يعنى ايه ؟

نقول ونضيف : ابودياب وشحاته وابوالعينين ومحمود خميس وبتوع الأثار بمنيا القمح والهايبرات وعيال الشوربجى وعزت اسماعيل فى كل مكان بالشرقية لامكان لكم فأرجعوا خيرا لكم والا تعالوا وانتو اللى جبتوه لنفسكم

يعنى بالصلاة على النبى عاوزين نكون بنى آدمين ونفهم ان مصر اتغيرت ومش هترجع تانى عزبة يتقاسم فيها اولاد البطة البيضا واولاد البطة السودا يقضوها شحتفة هنا وهنا يعنى ببساطة المرشح فى المجلس اللى جاى هيكون دوره فقط تشريعى ورقابى بس ومعنى الكلام ده ان لازم نتتحب حد بيفهم فى الدستور والتخطيط والاقتصاد وعنده معرفه بالكثير من كل شىء ( صايع سياسى يعنى ) أو قولوا برم سياسى أو ولد مجابتوش ولادة حد يكون عين للشعب يعرف يشرع قانون ويقدر يحط دستور ويقدر يراقب وده ياحلو لازم يكون شبعان وعينه مليانه ومش حرامى سابق ولا استفاد بالفساد لأن معظم اللى هتشوفهم فى الانتخابات الجاية استفاد من الفساد جايز مكنش ظاهر ولا موجود لكنه كان ديل لحد كبير زمان ايام تكية مبارك وعياله يعنى واحد استفاد بنزينة من نائب صاحبه وكان بيحشش معاه وكان ديله وصلاة النبى دلوئتى البنزينة بتجيب دهب يقوم بسلامته يقولك اترشح فى مجلس الشعب على أمل ان الفساد هيكون له دور وانه يقدر بصوته فى البرلمان ياخد حاجه وعشان هو غبى لازم يفكر كده لكن انا عارف ان شعبنا اللى ابهر العالم فى ثورتين حدوتة معدش حد هيضحك عليه حتى المحتاج لأموال المرشحين النص كم هياخد الفلوس وهيديله بمبه احنا صلاة النبى على شعبنا اصبح تاريخ وحدوته لا بتوع التاريخ ولا بتوع السياسة ولا بتوع المخابرات فى العالم يعرفوا يقروه منين ولا يعرفوا بيفكر ازاى ( باينه شعب ملهم لأنه فى الغالب عمره ماتكلم فى حاجه تخلينا نصدق انه قام بأعظم ثورتين فى التاريخ الحديث والقديم ( داللى قاموا بثورة واحده بيجيبوا زيت لغاية النهارده )

وعشان كده احنا مع بعض ايدينا فى ايد شعبنا ( سعب مصر عموما وشعب الشرقية خصوصا ) هنحارب وهنكشف كل المرشحين ماهو احنا بس اللى من الزمن اللى فات احنا اللى فضحنا زمان ايام ما كان الكل بيثقف لمبارك وعزت اسماعيل وعبدالفتاح الشوربجى ومجلس محلى اللى ميتسموش والتاريخ معنا وف صفنا وعندنا كل الدفاتر واللى هيهوب ناحية الترشيح من الدلاديل بتوع الحزب الوطنى واللى استفادوا من الفساد ولا كسبوا وصاروا بهوات بعد ماكانوا بيركبوا عجل ( زى لطفى شحاته وعبدالدايم ههيا وغيرهم ) هتقولهم اياكم نشوف وشكم واما العيال اللى بتنطط وعاوزين ياخدو تمن انهم وقفوا فى المظاهرات شوية والشيطان لعب فى دماغهم انهم اضبحوا ثوار وكراسى البرلمان متفصله على مقاسهم فهنقولهم مكانش يتعز ارموا بياضطك وطبعا هيفكروا اننا فى فرح وهيفتكرونا بنطلب نقوط لفرح لكن احنا عاوزين نقولهم تعالوا ورونا دماغكم فيها ايه نفتحها ونغتش فيها اذا لقينا شوية وطنية على تاريخ محترم على شوية ثقافة سياسية على شوية وعى بالتشريع والرقابة وفهم لوضع مصر السياسى والاقتصادى وله رؤية هنقوله على بركة الله خوض الانتخابات ياوحش تستاهل تاخد فرصة ويمكن نبوس على ايده علشان يترشح واذا مارضيش هنلم البلد ونروح نترجاه واذا طلعت دماغه عفشه ومفسهاش غير شوية طمع فى الدنيا والعز والجاه وحتة عربية وشقة لأم العيال وحلقين واسورة هنقوله اختشى مرة واتنين وتلاته واذا مختشاش هنضربه بالجزمة ونرميه فى اقرب بلاعة مجارى كمان هنشوف ليه ولاد الهرمة دول طبعا معروفين يدفعوا ملايين فى الانتخابات ومهانش عليهم يدفعوا عشرة جنيه لصندوق دعم مصر بالذمة دول اللى هنأتمنهم على مصر ودستورها ودول اللى هيكون عليهم رقابة تطبيق التشريعات ؟ ما أظنش دول جاهزين ياكلوا مال النبى واصحابه واتباعه واتباع اتباعه الى يوم الدين

بالبلدى كده احنا عاوزين مجلس عترة مجلس يطلعنا لقدام ميرجعناش ورا وعشان كده لازم نختار نواب بجد وانا عن نفسى واجرى على الله بقول لشعب مصر والشرقية الفلوس اللى عتنزل سوق الانتخابات دى فلوسكماتسرقت منكم فى التراخيص اللى حصلوا عليها فى الشركات اللى اتهربت من دفع الضرائب واخدت اعفاءات مبارك وعصابته فى الاراضى اللى اشتروها بتراب الفلوس وكسبوا من وراها ذهب من اللعب بكل قانون فى البلد ومعنى كده انها اموالكم رجعت لكم ( مش كلها طبعا ) لكن اللى جاى لكم فى جيوب المرشجين على أد ماقسم جزء من حقكم خدوه ولا شىء عليكم اللى يظن انه رشاك خد رشوته واعتبرها حقك لو محتاجه لو مش محتاجه اديه لحد محتاجه لكن اللى متراهنش عليه انك تبيع ضميرك تانى وتنتخب حد رمّه مايستاهلش حد من اللى هربم وقت الثورة واستخبوا ودافعوا عن مبارك وعصابته ( زى ابوالعنين بتاع العاشر ومحمود خميس اللى سخورا اموالهم وبعتوا لنا عربيات مليانه بسن وكسر الرخام ميدان التحرير علشان يحفونا بيه وموتوا اهالينا ولا هؤلاء اللى ظهروا فى الثورة الثانية وعملوا ثوار يعنى فى الشوط الأول لعبوا فى فريق مبارك ودافعوا عنه وحاربوا كل الثوار وفى الشوط التانى احترفوا فى فريق الثوار ضد الحاكم التانى مرسى المعزول ودول دلوئتى بيتصدروا المشهد وعاوزين يركبوا فى مركب الثورة ويعبروا مع العابرين لبر المستقبل ودول زى الرز والشعب كله عارفهم ودول فى الغالب بتوع الحزب الوطنى وبص فى الثورة الثانية هتلاقى الرعاه كان من ضمنهم ماجد دياب بتاع شفيق ومجدى عاشور ( عاشور الشرقية ) ومقاول الانفار الجوكر ( عاطف الجوكر ) اللى هرانا طوب فى المظاهرات الأولى وهرانا نفحات فى الثورة التانية يعنى صالح لكل وقت هنا شغال وهنا شغال وطبعا محمود خميس وابوالعينين وعبدالدايم وابوالمجد وعلى ابوسيد احمد وغيرهم من اللى لحم كتافهم من خير فساد الحزب الوطنى وطبعا فيه ناس مينفعش نجيب سيرتهم لأنهم غلابه بيخوضوا الانتخابات علشان ربنا يكرمهم بزنون فى مهنتهم ودول فى الغالب مبيوصلوش الميت صوت فبعتبرهم نغحة انتخابيه واهم بضحكونا كثير وطبعا فيهم الكهربائى والحداد والفريجى ودول مفيش وقت ولا روح نكتب عنهم حاجه بل احنا بنفكر نعمل لهم صندوق نجمع لهم تبرعات بس مش عشان ندعمهم فى الانتخابات لكن عشان نفتح لهم مشروع يلهيهم عن السياسىة ويخليهم يبصوا لأكل عيشهم واحنا على ايى حال بينا وبين أى مرشح اللى هنلاقيه فى دماغه فيها صراصير هنقول فيها نفحات وفكر هنقول وبينا وبينهم تسجيلات اللقاءات ومن غير مونتاج ولا احنا بتوع دعاية معملناهاش ايام مبارك ايام ماكانت الفلوس رزم هنعملها دلوئتى ؟ ) طبعا ميصحش واللى عنده حاجه غير دى يقولها ويفرد لنا الملاية واللى على رأسه بطحه يحتفى حتى اللى شغالين فى الاعلام وواخدينه سبوبة واللى اتعروا وباسوا الجزم واتحسس عليهم ايام مبارك وعصابته يفتحوا الطريق والا جنت على نفسها براكش

لقد عدنا لنضغ النقاط على الحروف جئنا بتاريخ الشرقية السرى وبملفات لصوصها وحراميتها وسارقوا الفرح من شعبها

جئنا بملفات سرقة نظام مبارك لكل شىء نشرناه وقتها وعاقبونا ونعيد نشره لنعاقبهم لن نتركهم أمنين : من سرقوا مشروع الخطارة ومن سرقوا اراضى الدولة فى الصالحية ومن جرفوا الأرض من رموز فساد مبارك والحزب الوطنى

جئنا لنسترد مليارات الجنيهات تم الاستيلاء عليها ونعرف ولدينا ملفات من سرقوها والعمولات التى حصل عليها السكرنير العام ورئيس مجلس المدينة ورئيس مجلس محلى وغيرهم فى بيع طرح النهر للبهوات اللى كانوا بأكلة سمك وبكام ملطوش هنفتح كل الملفات المسكوت عنها الآن والتى فضحناها من قبل لكن من كان سيفتحها غيرنا فكل الاعلام الشرقاوى وقتها كان يلعب فى عجين الحزب الوطنى كانوا فى جيب الشوربجى وعبدالله اللى كان رئيس مجلس محلى ونازلين هبش من هنا ومن هنا وبعدين ايه الهبل اللى انا فيه ده اعلام ايه اللى بتكلم عليه فى الشرقية ؟ ربنا يسامحنى دول ارزقية بياكلوا عيش حتى لوكان على حساب الكرامة والمبدا والجسد وانا عارف انهم هياكلوا عيش على حسابى زى ما اتعودوا طول عمرهم انا افضح المفضوحين واللصوص وهم يلمعوهم لكن هنعمل ايه صدق رسول الله ( كل ميسر لما خلق له )

فعلى بركة الله نعود وعلى بركة الله نبدأ ورهاننا على المستقبل ورهاننا على أن شعب مصر سيظل مبهرا ورائعا وغير قابل للترويض ومبيجيش غير طوفان أو جهنم لايبقى ولا يذر وعنما يظهر عينه الحمرا مااقولكش ..

كل موسم انتخبات ومصر وشعبها بخير