اللى يقولك ان الشرقيه ليها صاحب قل : فشر
اللى يقولك ان ف يه مسئول فىمصر بيهمه شعب الشرقية قل له: استحاله
واللى يقولك ان حد فى البلد دى يقدر يبص للصوص والفاسدين لو مصوا آخر قطرة دم فى عروقنا قل له : انت عايش فى وهم يا اما منافق يا اما مشش شايف
واللى يقولك ان ابراهيم محلي هيسترد املاك الدولة قل له : ضحك على الدقون
واللى يقولنا بعد كده اننا نور عينيه قل له : ادينى اماره
واللى يقولك والعمل ايه قل له : حسبنا الله ونعم الوكيل
.
ملفات الفساد فى الشرقية فاقت كل تصور والدولة التى اعلنت الحرب على الفساد بتهزر ايوه بتهزر ياريس وحكومة شريف بتماين وبتمشى حالها ورغم ان اللى اتسرق من املاك الدولة يكفى نسدد منه ديون مصر وستر البلد دى والرحمة بأهلها وعارفينه فين وساكتين عليه وبرضه مش لقيتوا وراكم الا المواطن اللى بيموت بالبطىء تحملوه فشلكم بزيادات فى اسعار الغاز والزبالة والميه فانتم جبابرة بلا قلب واذا راهنتم على الحب فرصيدكم بدأ ينفذ لأن ثورة الغلابة طحنت الغلابه ومحدودى الدخل ماتوا اكلينكيا واعتقالنا دلوئتى اصبح مطلبا شعبيا ونؤكد أننا على وشك انفجار سيأكل الأخشر واليابس ووقتها لن ترحمكم انياب الجوعى ولا مافعلتم بالفقراء
.
هذه المرة ننشر ملفا قديما عمره عمر الفاسد يحيى عبدالمجيد الشر الذى ابعدته الثورة ولكن ما ارتكبه لازال شاهدا على اننا كنا بنهرج والثورة مش جابت غير لعب وحاجات وكلاب مبارك هم كلاب مرسى هم كلاب السيسى وهم فى كل عصر رقم واحد وعلى وش الفتة وقابضين على دمنا وهى قضية ارض شارع فاروق القصر الأبيض اللى سرق اصحابه بمساعدة يحيى عبدالمجيد وشركاه فى الفساد الارض وسلمها وقبض تمنها لنفسه هو وكلاب المحافظة وقتها بغير سند قانونى فالأرض ملك الدولة منذ تأميمها على يد رجل مصر الوحيد والتاريخى جمال عبدالناصر حبيب الغلابه بجد ومساحة الارض دى حوالى 14 الف متر مليارات يعنى يا اى حد بيفهم رئيس او مرؤوس وهذه الارض كان المنجد الفاسد ابوالعلا محافظ تكيتنا زور عقدا مع الشركة القابضة وهى لاتملك اصلا ولكنها حومات التزوير توالى قطم وسط الحق وخصوصا حق الدولة واشترى المحافظ الارض لمحافظة بعد اكتشاف ان الارض ليست ملك الزيوت والصابون التى ادعت ملكيتها للأرض وعلشان فنون النصابين تتدارى قامت الشكة بالتبرع بأرض سوق التلات للمحافظة واخفوا الحقيقة تماما ويحيى عبدالمجيد خصص جزء من الارض لكل من هب ودب والموضوع معروف جدا
والدولة بتشحت من مواطنيها بل تبتزهم وهذه الارض وغيرها مليارات فلماذ يسكت الرئيس الذى وعدنا بالقضاء على الفساد
اين انت من شعب الشرقية سيادة الرئيس ولماذا سمتنا تسليم مفتاح لقاتل الثورا سامى سيدهم وامثاله
اين انتم يانواب الشرقية ايها العار الذى اقترفناه ده لو كنا انتخبناهم فعلا
أين الشرفاء اين الشرفاء اين الشرفاء؟
ضجايا سامى سيدهم دعوات مظلومه لاترد
كم له من ضحايا قتلهم معنويا وقتل فى ارواحهم الامل فى بكره ونحرهم لأنعم شرفاء رفضوا ان يكونوا ترسا فى مطحنة الفساد التى يديرها بكفاءة سيذكره التاريخ بها كأول مبتدع فى تطوير آليات الفساد ولأن ضحاياه كثر سنبدا كشف اسلوبه فى ذبحهم واحدا واحدا وكلها قصص تشيب لها الأبدان مثلما حدث مع :
علاء مدين الذى دخل مفرمة سامى سيدهم واذاقه كل الوان العذاب من التشريد فى كل مكان حتى هرب لخارج مصر وعاد فوجده فى انتظاره بكل الوان العقاب وكل جريمته انه يريد ان يظل انسانا شريفا ولايحب ان يأكل اولاده حراما وان يظل ضميره طاهرا لكن هذا لايعجب الفاسدين وكانت ارخصتان المخالفتان اللى طبعا اتعملوا بعد ابعاد علاء القشه التى قصمت ظهر البعير رخصه فى الاشراف وأخرى فى موقف المنصورة فرفض فاتفرم بل وعايره بموت اولاده كأخس مايمكن ان يعاير به انسان انسان مكلوم فى وفاة اولاده ومنذ 2012 وهو يدفع الثمن وعندما عاد للمحافظة استلمه تشطيب عليه يوميا ليواصل فرمه حتى عودته للاسكان عمله الاصلى حرمه منها وكانه يريده عبرة يخوّف به اى حد يرفض تنفيذ أوامره فقولوا : حسبنا الله ونعم الوكيل وكفى به وكيلا لأننا لانعرف حتى الآن سامى سيدهم كاسر عين البلد فى ايه
.
سامى سيدهم حامل اختام تبوير الارض الزراعية بالشرقية
ومن افعال سامى سيدهم قاهر الشراقوة انه يسيطر تماما على موضوع خطابات تزوير حقيقة اى ارض وبجرة قلم يحول الارض الزراعية الى ارض بور ويتم تحصينها ضد القاونين التى ترج البناء على الأرض الزراعية كما حدث فى تبوير 36 فدان فى بلبيس بجوار البنزينة التى تبعد عن الطيارة بامتار
لما جاب رئيس وحدة بترشيح من صاحب الارض لكي يخلص اوراق تخصيص الارض وفعلا راح استقبلة بسيارة بالقرب من الوحدة وقال لة طنش ممدوح طه وشغلك معي انا وقام رئيس الوحدة بسب الدين لرئيس المجلس الذي يرئس الوحدة لانه في حما اللواء سامي وفعلا ممدوح طة معرفش يشيل رئيس الوحدة ولاكن اتصلت بالدكتور رضا وعرفة كل الحكاية وراح الي الارض وتحقق وبعد ذلك اصدر الدكتور رضا قرار باقالة رئيس الوحدة ودخل له اللواء سامي وصاحب الارض ورفض الدكتور رضا ارجوع في القرار وبعد ذلك قام اللواء سامي بضرب زوبة في الدكتور رضا حتي اصدر قرار من ابن زكي بدر باقالة الدكتور رضا قبل فضح امرة يعني اتغدى بية قبل ان يتعشي بية عن طريق اسامة الغندور اللى جه مع يعقوب بفضيحه فكافئوه بالمحافظة لأنه كان حامل اختام مافعله يعقوب بتاع الجوازات العرفى والمصايب السوده
.
والنبى ياريس لو كنا نور عينيك تبعد عننا أذى سامى سيدهم ولو مش قادرين تشيلوه خده نائب رئيس بس ابعدخ عننا ده نفخنا ياريس
سيادة اللواء محافظ الشرقية كان يوم اسود يوم مافرحنا انك شرقاوى واسود منه لوفضلت يوم واحد فى المحافظة : امشى
.
مش المحافظ المفروض على الورق كبيرنا ؟ مش هوه المفروض لما مشكلة تحصل بين الشعب الشرقاوى وموظفينه اللى بيستخدمه سلطاتهم أسوأ استغلال هوه اللى يفض الاشتباك ؟ ولما تروح لجنابه شكوى بصفته الكبير الا اذا مكنش عارف انه الكبير وحد تانى بيدير المحافظة مش المفروض يحقق فيها ولما يثبت صحتها ياخد قرار بتصحيح الخطأ ومعاقبة المخطىء ؟ ولما الناس تلجا له ويديها الطرشه ويعرف ان ليهم حق ويعمل من نبها أكيد فيه مليون مصيبه مش كده ولا ايه يالواء الشرقية ومحافظها
قلنا لنا من قبل ان التعينات اللى تمت فى مجلس المدينة لعمال كانت لعبه وتم تعديل اوضاع المعينين اولاد واقارب وبنات كبار الفاسدين بمجلس الزبالة المعروف سابقا باسم مجلس المدينه متحركتش والعيال تم تزبيطهم والمتضررين اللى انت وهم بتصدروا لهم اليأس علشان يكفروا بالبلد كأنكم بنتفذوا اجنده لاسقاط الرئيس السيسى وملهاش على فكرة تفسير تانى الا العجز الفكرى وانتشار الفساد وطبعا ده بيدى اشارة خضراء وربما بعلمكم لعمل مايريدون وليه ربما انت تعلم فعلا وجاءت لمكتبك الشكوى تلو الشكوى الا اذا كنت غريب فى المحافظة وبيديروا مكتبك من بره سامى سيدهم والغندور طبعا بتوع المجلس وراهم ضهر سامى سيدهم فأطلق ايديهم فى فعل مايريدون مقابل موافقتهم على تلبية اوامره وقت الحاجة
.
فبدأت عمليات التوريث على عينك يامحافظ ومش هتعمل حاجه كعادتك لأنك اضعف من أن تقول لا للفاسدين والا لماذا لم تحقق فى الشكاوى التى وصلت مكتبك والتى تؤكد ان عملية توريث المناصب والوظائف بالمجلس تخرج لسانها لأصحاب الحقوق وهاهى الموظفة بالمجلس ( مركز ومدينة الزقازيق ) انتصار ابراهيم اللى تشاور على أى ادارة تروحها فورا يعنى تصحى الصبح قرفانه من مكتب فى ادارة تروح ادراة تانية لما يبعتوا لها قرار النقل وطبعا حقها فهى زوجة قطب رمضان بالتفتيش المالى والادارى بالديوان العام ووالدة اسلام قطب بالديوان العام ( العزبة ) فنقلت على كيفها من شئون العاملين لمخزون السلع ورجغت تانى لشئون العاملين كل ده فى اقل من شهر
.
بلاش انتصار خد هويدا
.
هل جاءك نبا هويدا هانم برئاسة مركز ومدينة الزقازيق ؟
.
جاءك فعلانبأ ماقامت به هويدا جوده فلماذا لم تتحرك وتوقف مهزلة قيامها بتعيين اخواتها لمياء فى تحسين البيئة ونجلاء فى حملة سوق الجملة وزوجة أخيها فى تحسين البيئة وزوجها السيد العربى بمشروع المواقف اوعى تقول لى ان دى محافظة ومش عزبة لأن اللى هيقول كده فاسق ومنافق وفاسد
.
اعلن فورا مجلس المدينة عزبة خاصه للعائلات واخلص
.
خلى الناس تتفرج علينا أكثر وأكثر وفرح فينا اللى بيتربصوا بالبلد وشمت فينا الاخوان واردوغان اللى لو عرف اللى بيحصل فى الشرقية كان جرسنا ماهو لما يعرف ان المجلس اصبح عائلى جدا ويعرف ان ايهاب العلاقات العامة عبدالغفار وزوجه فى خدمه المواطنين واخوه فى الحملة الميكانيكيه وقرارك بعدم بقاء موظفين اقارب فى حته واحده بلوه وسقوك ميته فأكيد انت مش مسئول حالص ولامؤاخذه بيقنطروك وزى عبدالغفار فيه جمال العربى شئون قانونية وزوجته مشروع المواقف وغيره وغيره
سيادة المحافظ انت شرقاوى صحيح لكنك خذلتنا واضعت ثقة القيادة السياسية فيك وثقتنا كان يوم اسود يوم ماشفناك وفرحنا انك شرقاوى
